4ª Semana Tempu Komun: Kinta-feira, loron 5 fulan Fevereiru, 2026, February 5, 2026

Reflection on the WORD

Maluk sira mak Kristu hadomi,

Apóstolu sira- Evanjelizasaun: Jesus haruka Nia apóstolu sanulu resin rua hodi ba haklaken Lia-Foun Di’ak Salvasaun nian ba ema hotu-hotu. Sira tenke evanjeliza no lori “Maromak Nia Dame” hodepende tomak ba Maromak Nia providénsia, kbi’it no sabedoria. Reflete; karik ita mós sai sasin ba Lia-Foun Di’ak ho valor sira Evangelho nian hanesan ne’e karik, ita mos sei evangeliza ho efetivu.

Mk 6:7-13

7Nia bolu sira sanulu resin rua hodi haruka sira na'in rua rua no haraik mos ba sira kbi’it atu ukun espiritu foer sira. 8Nia haruka sira lori deit iha dalan aitonka ida; la bele lori bukae eh kohe, ka doit iha futukabun. 9Sira bele usa sandalias maibe la bele lori hatais tahan rua. 10Nia dehan ba sira, “Tama tiha iha uma ida, horik iha neba to'o imi fila. 11Fatin ruma la simu eh la rona imi karik, sai tiha housi neba hodi liki rai rahun housi imi nia ain nudar sasin hasouru sira.” 12Sira sai ba dau-daun hodi hanorin atu hakribi sala. 13Sira duni sai diabu barak no kose mina ba ema moras barak hodi halo sira hetan isin diak. 

Today's Pointers on God's Word

As you read the passage what words, phases or meanings caught your attention?

  • Wainhira ita iha situasaun dezesperadora no kbi’it la iha, ita hakbesik-an ba Na’i ho fiar no konfiansa tomak? 
  • Jesus prontu atu kura no restaura ita nia moris (rekonsilia ita ho Maromak, hetan transformasaun, hetan ksolok no moris rohan laek, no seluk tan). Nia asegura ita ho Nia kbi’it atu kura ita; karik ita tau ita nia konfiansa no esperansa iha Nia.  
  • Ita sei hakbesik-an ba Na’i ohin? Nia domin no kuidadu maka’as liu buat ne’ebé ema ida iha mundu ne’e bele fó. Hakmatek minutu balun hodi sente Nia prezensa iha ita nia fuan, agora.