3 ͣ Semana Tempu Komun: Sexta-Feira, Loron 30, Fulan Janeiro, 2026, January 30, 2026

Reflection on the WORD

Maluk sira mak Kristu hadomi,

“Maromak nia Reinu” – Fiar: Jesus haklaken katak “Maromak nia Reinu” hanesan fini ne’ebé ema kari iha to’os laran. Fini ne’e sei krexe rasik too tempu colheta. Reflete; Maromak haraik ona mai ita Fiar, Esperansa no Domin iha Kristu. Ita kultiva no kuida fini Fiar nian ho responsabilidade hodi fini ne’e bele fó fuan atu ema barak bele hetan moris rohan laek.

Mk 4:26-32

26Nia dehan mos, “Maromak nia reinu hanesan ne'e: Ema kuda musan iha rai. 27Kalan loron, nia toba ka hader, musan ne'e moris no sai boot; oin sa los, nia la hatene. 28Housi nia kbiit rasik, rai lori nia atu fo fuan: uluk dikin, hafoin fulin, no ikus mai trigu ne’ebé tasak ona.29Wainhira trigu tasak ona, ema ne'e kaer tudik, basa tempu atu ko'a trigu to'o ona mai.”

30Nia dehan tan; “Ita sei usa ilas ida ne’ebé atu hatudu Maromak nia reinu? Ho aiknanoik sa mak ita sei hatudu nia? 31Nia hanesan mustarda musan ida ne’ebé wainhira ema kari iha rai mak kiik liu musan sira hotu iha  raiklaran, 32maibé kuda tiha, nia moris no sai boot liu hodi hatubun sanak bo-boot atu nune'e manu sira iha lalehan bele subar an iha nia mahon.”

Today's Pointers on God's Word

As you read the passage what words, phases or meanings caught your attention?

  • Iha Evangelho ohin, Jesus garante ba ita katak Nia sei transforma ita nia fini fiar nian ne’ebé kiik hanesan ‘mostarda musan’ hodi bele krexe sai hanesan ai-hun bot ida. Ita presiza fiar ne’ebé metin iha Jesus atu Nia bele transforma ita nia fini fiar nian. 

     

  • Hanesan fini ne’ebé sei la moris se ita la kuda iha rai, nune’e mos, Fini fiar ne’ebé Maromak kuda ona iha ita nia fuan, so bele moris wainhira ita prontu atu kuida nia iha ita nia moris. 
  • Reza no husu grasa atu bele atentu, fiél no iha ´snimo atu bele kolabora ho Maromak atu hodi hamoris fini fiar nian ne’ebé ita iha.