3 ͣ Semana Tempu Komun: Quinta-Feira, Loron 29, Fulan Janeiro, 2026, January 29, 2026

Reflection on the WORD

Maluk sira mak Kristu hadomi,

“Finalidade husi Fiar iha Jesus”: Jesus dehan ba ema lubun bot, “se imi iha ahi oan ida iha kalan nakukun, imi sei tau iha kama okos? Klaru katak imi sei tau ahi oan ne’e iha fatin ne’ebé bele leno hotu uma laran. La iha buat ida ne’ebé subar ne’ebé ema sei la fo sai; la iha buat ida ne’ebé haksumik ne’ebé ema sei la fo hatene”. Reflete; wainhira ita hetan grasa no bensaun fiar nian – Mensagem Liafuan Diak Salvasaun nian, ita presiza sai sasin ba fiar ida ne’e – ita labele subar fiar ne’e.

Mk 4:21-25

21Nia dehan tan ba sira, “Imi sunu lakan ahi oan ida hodi tau nia iha balde okos eh iha tobafatin okos?  Imi la tau nia iha ahi oan fatin? 22La iha buat ida ne’ebé subar ne’ebé ema sei la fo sai; la iha buat ida ne’ebé haksumik ne’ebé ema sei la fo hatene. 23Ema ne’ebé iha tilun atu rona, rona ba.”

24Nia dehan mos ba sira, “Rona di-diak buat ne’ebé imi rona dau-daun. Sasukat ne’ebé imi usa sei usa mos ba imi, no barak liu tan, 25basa ba ema ne’ebé iha ona sei fo tan; no ema ne’ebé la iha, buat ne’ebé nia iha sei hasai tan housi nia.”

Today's Pointers on God's Word

As you read the passage what words, phases or meanings caught your attention?

  • Lampu ida fo naroman husi nia-an rasik. Lampu sei haroman fatin hotu ne’ebé roman bele to’o. 
  • Hanesan mos lampu ne’e, Na’i bolu ita atu partilhha ita nia roman ba ema hotu ne’ebé haleu ita. Maromak haraik ona roman ba ita ida-ida, roman ne’e presiza lena ema hotu ne’ebé besik ita. 
  • Wainhira ita fahe ita nia roman ho generozidade, ita mós sei simu roman barak liu tan. Ita reza no husu grasa atu ita bele fo buat hotu ne’ebé ita iha no la hein rekompensa husi ema seluk.