3 ͣ Semana Tempu Komun: Quarta-Feira, Loron 28, Fulan Janeiro, 2026, January 28, 2026

Reflection on the WORD

Maluk sira mak Kristu hadomi,

“Parabola o Semeador” – Fiar: iha Evangelho ohin, Jesus ko’alia ba ema lubun boot katak ema hotu ne’ebé rona ona mensagem kona-bá Fini Evangelho Salvasaun nian responde ho maneira ne’ebé diferente husi ema ida ba ema seluk. Fini balun monu iha “dalan ibun, rai fatuk laran, no aitarak laran” - fini ne’e sei la moris no la fo fuan. La hanesan ho fini monu iha “rai buras”. Reflete; Rai ida ne’ebé mak descreve fiar ne’ebé ita koko atu moris tuir lor-loron?

Mk 4:2-9

2Nia hanorin sira buat barak ho aiknanoik. Nia hanorin dehan  3“Rona ba. Ema ida ba kari fini. 4Nia kari fini dau-daun, fini balun monu iha dalan. Manu sira mai hodi  han sira hotu. 5Balun monu iha fatuk leten. Iha neba rai uitoan de’it. Fini sira ne'e moris lalais, basa rai la klean, 6maibé wainhira loron sa'e hamanas sira, sira namlaek, basa sira abut la iha. 7Fini balun monu iha aitarak laran. Aitarak moris maka'as hodi hanehan sira. Fini sira ne'e la fo fuan ida. 8Fini balun monu iha rai diak, hodi moris buras no fo fulin maka’as, balun dala tolu nulu, balun neen nulu, no balun dala atus ida.” 9Nia dehan tan, “Ema ne’ebé iha tilun atu rona, rona ba!”

Today's Pointers on God's Word

As you read the passage what words, phases or meanings caught your attention?

  • Evangelho ohin ko’alia kona-bá “parabola o semeador” – hakari na’in fini nian ne’ebé fo hanoin ita katak ita presiza kultiva fiar ne’ebé iha fundasaun ne’ebé metin atu fiar ida ne’ebé bele fo fuan bot no barak hanesan ’30, 60 no 100’. 
  • Se ita nia fiar laiha fundasaun ne’ebé metin, ita nia fiar sei ‘namlaek no mate’ tamba ameasa husi tentasaun no difikuldade oi-oinn ne’ebé mundu tau hela iha ita nia moris. 
  • Oinsa mak Maromak dezafia ita atu hametin no hakle’an ita nia fiar iha ita nia moris lorloron hodi nune’e bele fo fuan barak tuir buat ne’ebé Maromak haraik ba ita?