DGEMs

Maluk sira mak Kristu hadomi,

“Jesus nia Missaun Salvasaun nian” – Fiar: iha Evangelho ohin, wainhira Jesus fila ba Nia rai moris fatin – Nazaré; ema lubun bot ba hoburNia tamba Ninia hanorin no milagre sira. Jesus halo serbisu barak los hodi serbí sira ne’ebé besik Nia to’o Nia tempu laiha atu han. Ida ne’e halo Nia família sira senti preokupa ho Nia. Reflete; Jesus ninia dedikasaun ba Missaun ne’ebé Nia simu husi Aman Maromak inspira ita atu serbí Maromak ho laran kman, laran mos no prontu atu halo sakrifisiu saida de’it ba Missaun Maromak nian.

20Jesus tama ba uma ida, no dala ida tan, ema lubun boot buka Nia.  Tan ne'e Nia la bele han.  21Wainhira Nia parenti sira rona kona-bá ida ne'e, sira sai atu kaer Nia, basa sira dehan katak Nia bulak ona. 22Eskriba sira ne’ebé mai housi Jerusalem dehan: “Nia iha diabu,” no “Nia duni sai diabu sira hodi diabu sira nia ulun nia naran.” 23Ne’e duni Jesus bolu sira hodi haktuir aiknanoik ida ba sira dehan: “Oin sa mak diabu bele duni sai diabu? 24Reinu ida fahe an karik, reinu ne'e la bele tahan. 25Umakain ida la iha unidade karik, umakain ne'e la bele hela kleur; 26nune’e mos Satanas hamriik hasouru nia an karik, nia fahe an ona; nia la bele tahan; nia rohan to'o ona 27Ema ida la bele tama iha ema maka'as nia uma hodi na’ok nia rikusoi molok nia, uluk knanain, kaer ema maka'as ne'e. Foin mak nia bele na’ok rikusoi sira.”

28“Tebes Ha’u ba imi: ema sira nia sala no sira nia lia aat hasouru Maromak sei hetan perdua, 29maibé ema ne’ebé hateten aat Espiritu Santu sei la hetan perdua ba nafatin. Nia halo sala rohan laek nian.”  30Ne'e tamba sira dehan: “Nia iha diabu.”