2 ͣ Semana Tempu Komum: Sexta-Feira, Loron 23, Fulan Janeiro, 2026, January 23, 2026

Reflection on the WORD

Maluk sira mak Kristu hadomi,

“Jesus bolu Apostolu sira” – Fiar: Jesus bolu nia apostolu sira na’in sanulu resin rua hodi serbí iha missaun sira Jesus nian. Apostolu sira aprende husi Jesus nia moris, Nia liafuan no milagre sira. Iha loron Pentecostes, Jesus sei haruka Espírito Santo atu ilumina no fó kbiit ba sira hodi kontinua missaun ne’ebé Jesus konfia ona ba sira. Reflete; ita husik Espírito Santo atu inspirra ita hodi hadomi no serbí Jesus ho fuan no laran tomak?

Mk 3:13-19

13Jesus sa'e ba foho no bolu sira ne’ebé Nia hakarak, no sira la'o ho Nia. 14Nia fihir ema na'in sanulu resin rua atu la'o hamutuk ho Nia no haruka sira atu haklaken 15hodi hetan kbiit atu duni sai diabu sira. 16Nia hili sira sanulu resin rua ne'e: Simao, ne’ebé Nia hanaran Pedro: 17Tiago, Zebedeu nia oan, no Joao, Tiago nia alin. Sira ne'e Nia hanaran Boanerges, katak rai tarutu nia oan: 18Andre, Filipe, Bartolomeu, Mateus, Tome, Tiago, Alfeu nia oan, Simao Kananeo 19no Judas Iscariotes, ne’ebé sei saran Nia.

Today's Pointers on God's Word

As you read the passage what words, phases or meanings caught your attention?

  • Iha Evangelho ohin, Jesus hatudu ninia domin no intimidade ho Nia discípulo sira. Jesus rasik hili sira na’in sanulu resin rua atu sai Nia discipulu sira; Nia fo naran espesial ba sira ida-ida. 
  • Maski Nia hatene ita nia frakeza no sala sira, Jesus hatene mós ita nia potensialidade sira, laran diak sira, no talentu sira ne’ebé Nia bele uza atu haklaken Liafuan Diak Salvasaun nian. Jesus kontinua bolu ita atu sai Ninia discípulo sira. 
  • Jesus hili ona ita ida-ida ho maneira espesial no intimidade atu serbí Maromak nia Reino. Ita presiza agradese Maromak.