2 ͣ Semana Tempu Komun: Quarta-feira, Loron 21, Fulan Janeiru, 2026, January 21, 2026
Reflection on the WORD
Maluk sira mak Kristu hadomi,
“Maromak nia Vontade no Dalan” – Fiar: iha Evangelho ohin, Jesus kura ema ida ne’ebé moras liman mateiha loron Sábado. Jesus nia Compaixaun Divinu ba sira ne’ebé sofre ka terus revela Maromak nia Vontade no Dalan ba sira, ba ema sira nebé terus. Reflete; ita prátika ita nia fiar ho devosaun makas maibé ita laiha paixaun atu serbí ema kiak, moras, terus no sira ne’ebé marginalizadu iha ita nia le’et?
Mk 3:1-6
1Jesus tama fali sinagoga ida. Iha neba iha ema ne’ebé liman aat. 2Sira hateke ba Nia atu hare keta Nia fo isin diak ba nia iha loron Sábado, hodi hein atu foti lia ruma hasouru Nia . 3Nia dehan ba ema ho liman aat: “Hamriik mai iha klaran!” 4Tuir mai, Nia husu sira: “Iha loron Sábado, bele halo diak eh halo aat, soi ema nia moris eh oho nia?” Maibé sira nonok de’it. 5Hateke ba ema hotu ne’ebé hale’u Nia, no laran nakali tebes hodi laran susar tan sira nia laran tos, Nia dehan ba ema ne'e, “Lolo o nia liman.” Nia lolo duni nia liman, no nia liman diak kedas. 6Fariseu sira sai ba liur hodi la'o hamutuk ho Herodes nia emar sira hodi buka oin sa sira bele oho Nia.
Today's Pointers on God's Word
As you read the passage what words, phases or meanings caught your attention?
- Farizeu sira la haré no la kompriende katak Lei Sábado nian mosu atu bele serbí ba Bem-Komum, liu-liu atu serbí sira ne’ebé mak terus no sofre tamba Maromak iha domin compassivo ba sira ne’ebé ki’ik liu iha sociedade.
- Wainhira Jesus hala’o ona nia missaun, Nia hatudu Compaixaun profundu ba sira ne’ebé kiak, necessitados no sala na’in sira, hanesan feto prostituta sira, kobrador importo sira, Judeu sira ne’ebé kondena Jesus no soldado Romano sira ne’ebé mak hedi Jesus iha kruz.
-
Reza no husu grasa, atu Na’i halo ita konsiente ba ita nia necessidade sira no aprende atu sai compassivo ba ema seluk hanesan Jesus hatudu ona ba ita.