1ͣ Semana Tempu Komun: Quarta-Feira, Loron 14, Fulan Janeiru, 2026, January 14, 2026

Reflection on the WORD

Maluk sira mak Kristu hadomi,

“Evangelho – Evangelizasaun”: iha Evangelho ohin, Jesus kura ema moras oi-oin no mós duni sai diabu barak. Maski ema barak los mak buka Jesus, Nia desidi atu ba knua seluk atu nune’e Nia bele haklaken kona-bá Liafuan Diak Salvasaun nian ba ema hot-hotu. Reflete; ita foku de’it ba Jesusnia milagre kura sira ne’ebé moras ne’ebé halo ita lakon tiha Mensagem central kona-bá Salvasaun moris rohan la’ek nian?

Mk 1:32-39

Jesus fo isin diak ba ema barak

 

. 32Iha loraik, loron monu tiha, ema lori ba Nia ema moras sira hotu no sira nebe iha diabu iha laran. 33Sidade tomak mai halibur an hamutuk iha odamatan. 34Nia fo isin diak ba ema barak nebe terus moras oi-oin, hodi duni sai diabu barak. Maibe Nia la husik diabu sira koalia, basa sira hatene Nia. 

 

Jesus hanorin iha Galileia

  35Dadersan nakukun, Nia hamriik, sai ba fatin fuik ida hodi harohan. 36Simao ho nia maluk sira buka tuir Nia. 37Hetan tiha Nia, sira dehan: “Ema hotu buka Ita.” 38Nia hatan ba sira, “Ita ba fatin seluk, iha knua sira besik atu Ha’u haklaken mos iha neba, basa tan ne’e mak Ha’u mai.” 39Nia ba haklaken iha sinagoga sira Galileia tomak nian hodi duni sai diabu sira. 

Today's Pointers on God's Word

As you read the passage what words, phases or meanings caught your attention?

  • Ema lubun bot buka Jesus tan hakarak atu Jesus kura sira nia moras no duni sai diabo sira iha sira. Maibé Jesus la monu ba atensaun no fama ne’ebé Nia hetan husi ema lubun boot ne’ebé buka Nia, Jesus foku nafatin ba Nia misaun. Jesus hases-an husi fatin barulho hodi buka fatin hakmatek hodi reza. 
  • Oinsa ho ita nudar discípulo Jesus nian? Ita tau prioridade hodi haklaken Liafuan Diak Maromak nian iha ita nia moris? 
  • Ita komesa ona tinan foun 2026, “ita iha kompromisu atu sai sasin ba Liafuan Diak iha ita nia moris?”