Sábado depois de Epifania, Loron 10, Fulan Janeiro, 2026, January 10, 2026

Reflection on the WORD

Maluk sira mak Kristu hadomi,

“Humildade João Batista nian”: iha Evangelho ohin, ho alegria, João Batista haklaken katak Messias to’o ona iha ita nia lét iha Kosok oan Jesus. Tamba ne’e, Jesus mak tenki sai boot maibé João presiza sai ki’ik. Reflete; hanesan João Batista, ita mós hetan konvite atu halo tuir Maromak nia vontade ho humildade, laran luak no alegria. Reza no husu grasa atu bele moris tuir humildade João Batista nian. 

Jn 3:22-24,26-30

João nia sasin kona-bá Jesus

22Ne’e hotu tiha, Jesus ho nia eskolante sira ba rai Judeia. Nia hela ho sira iha neba hodi sarani ema. 23João mos sarani iha Enom, besik Salim basa iha be barak neba no ema mai atu simu baptismu. 24Ema seidauk hatama João iha dadur laran. 

26Sira hakbesik João hodi dehan ba nia: “Mestre, Ida nebe la’o hamutuk ho ita iha Jordaun nia sorin balun ba, no ba Nia ita fo sasin, Nia mos sarani ema, no ema hotu ba tuir Nia.” 27João hatan dehan: “Ema la bele simu buat ruma nebe Maromak la fo ba nia. 28Imi rasik mak sasin katak Ha’u dehan: ‘ha’u la’os Messias, maibe ida nebe Maromak haruka atu ba uluk Nia. 29Ida nebe iha noiva mak noivu; maibe noivu nia belun nebe hamriik hodi rona nia, haksolok teb-tebes atu rona noivu nia lia. Ohin ha’u nia ksolok los ona teb-tebes. 30Nia sei sai boot liu no ha’u sei sai kiik liu.”

Today's Pointers on God's Word

As you read the passage what words, phases or meanings caught your attention?

  • Discípulo sira João Batista nian senti la komfortável tamba Jesus sarani no atrai ema barak hodi tuir Jesus. Ita sei senti la hakmatek ka senti ameasadu ho ema ka grupu seluk nia serbí Maromak. 
  • Sentimentu la komfortavel ka la hakmatek sai boot liu tan wainhira ita iha atitude negativa no espíritu kompetitivu iha mundu sekular nian. Reasaun João Batista nian ne’e simples no positivu los: João hakarak atu lori ema hotu hakbesik-an ba Kristu. 
  • Se la ho Maromak, ita laiha buat ida: buat hotu ne’ebé mak ita iha – ita nia talentu, dom, riqueza, moris no fiar – buat hotu mai husi Maromak. Ita presiza fó-an tomak hodi serbí de’it Maromak, ita la presiza atu kompete no kondena ema seluk iha ita nia moris.