Sexta-Feira depois de Epifania, Loron 9, Fulan Janeiro, 2026, January 9, 2026

Reflection on the WORD

Maluk sira mak Kristu hadomi,

“Jesus Kura” – Fiar: iha Evangelho ohin, Jesus ho laran kman kura ema ne’ebé hetan moras lepra, wainhira ema moras ne’e ho haraik-an husu ba Jesus ba atu kura nia moris. Reflete; hanesan ema moras ne’e, ita mos husu Jesus ho sinceridade, humildade no fiar ne’ebé firme ka metin wainhira ita presiza grasa ruma? Jesus bele kura ita nia moris sira wianhira ita la valoriza Nia domin? Ita hakbesik-an ba Jesus iha tempu sira ne’ebé ita presiza de’it, liu-liu tempu dezesperadu sira? 

Lk 5:12-16

12Wainhira Jesus hela iha sidade ida, ema moras lepra ida ba hasouru Nia. Tuku tur tiha ba rai, nia husu ho laran: “Na’i, Ita hakarak karik, Ita bele hamos ha’u.” 13Jesus lolo nia liman hodi kona nia dehan: “Ha’u hakarak, sai mos ba!” Moras lepra lakon kedas. 14Jesus bandu nia atu la bele fo hatene buat ne’e ba ema ida dehan: “La’o ba, hatudu o nia an ba amlulik, hodi hasa’e buat ne’ebé Moises haruka nudar sasin ba sira, tan o hetan ona isin diak.” 15Maibé Jesus nia naran diak naklekar liu tan. Ema barak mai atu rona Nia, no mos atu hetan isin diak. 16Maibé Nia hadook an ba fatin fuik ida, hodi hela mesa-mesak atu harohan.

Today's Pointers on God's Word

As you read the passage what words, phases or meanings caught your attention?

  • Ema, ne’ebé moras kulit iha Evangelho, husu ho seriu ka laran tomak atu Jesus kura nia moras. Jesus viola lei Judeu nian ne’ebé bandu atu besik ba sira ne’ebé moras lepra atu moras ne’e labele da’et ba nia.
  • Jesus nia domin ba ita hatudu iha ninia fuan compassivo ne’ebé hadomi ita sem kondisaun. Oinsa ho ita ne’ebé tuir Jesus, ita mos bele hatudu fuan ne’ebé kompassivo hanesan Jesus ba ema sira ne’ebé presiza ita nia tulun no domin? 
  • Reza ba Jesus ho fiar ne’ebé metin hanesan ema moras lepra ne’e. Tamba wainhira ita ho Jesus iha ita nia sorin, buat hotu possivel iha ita nia moris.