Quinta-Feira depois de Epifania: loron 8, fulan Janeiru 2026, January 8, 2026

Reflection on the WORD

Maluk sira mak Kristu hadomi,

“Jesus nia matenek ka sabedoria”: iha Evangelho ohin, Jesus halo profesia iha sinagoga ida nia laran hodi dehan ‘leitura husi profeta Isaias ne’ebé Jesus foin le’e ne’e ohin sai duni realidade ka acontese dunik iha sira nia matan. Reflete; ita bele husu ita nia-an ‘Ita reflete kle’an no reza bazeia ba Evangelho Jesus nian? Evangelho Jesus nian mak inspira, orienta no fo forsa ba ita nia moris lorloron? 

Lk 4:16-22a

16Nia mai iha Nazare, iha ne’ebé Nia sai boot. Tuir Nia lisan, Nia tama iha sinagoga iha loron Sabadu. Nia hamriik atu le’e. 17Sira fo ba Nia livru profeta Isaias nian. Loke tiha livru ne’e, Nia hetan fatin ida ne’ebé hakerek nune’e: 18 “Na’i nia Espiritu iha Ha’u, basa Nia foti tiha Ha’u atu haklaken liafoun diak ba kiak sira;

19Nia haruka Ha’u atu haklaken maksoin ba dadur sira no halo matan delek sira hare; atu soi sira ne’ebé ema hanehan, hodi haklaken Na’i nia tinan rahun kmanek nian.”

20Hafoin, taka tiha livru, Jesus fo fali nia ba knaar nain. Nia tur tiha. Ema hot-hotu iha sinagoga laran hateke ba Nia. 21Tuir mai, Nia hahu koalia ba sira dehan: “Ohin halo tuir los duni liafuan Eskritura nian ne’ebé imi foin rona.” 22Sira hotu koalia diak kona-bá Nia.  

 

Today's Pointers on God's Word

As you read the passage what words, phases or meanings caught your attention?

  • “Espíritu Maromak nian” hamutuk hela ho Jesus. Espíritu ida ne’e mak sempre guia Jeus iha buat hotu ne’ebé mak Nia halo. No Jesus halo buat hotu tuir Nia Aman nia vontade. 
  • Jesus nia liafuan sira nakonu ho grasa Maromak nian no sempre iha koerensia ho Maromak nia vontade. Wainhira ita moris iha Espíritu Maromak nian, ita mos sei moris iha integridade hodi halo tuir Maromak nia vontade. 
  • Se ita nakloke-an ba Espíritu Maromak nian, maski ita enfrenta terus, moras no tragedia ruma, ita sei krexe neneik-neneik hodi sai ema ne’ebé nakonu ho grasa – iha ne’ebé ita bele sai sasin ba Espíritu Maromak nian iha ita nia moris no sai sasin Maromak nian ba ema seluk.