Quarta-Feira depois de Epifania: Loron 7, fulan Janeiro, 2026, January 7, 2026

Reflection on the WORD

Maluk sira mak kristu hadomi,

“Jesus la’o iha tasi leten”: Iha Evangelho ohin, Jesus la’o iha tasi leten hodi hakbesik-an ba ninia discípulo sira ne’ebé tauk tan anin no laloran ne’ebé bot. Jesus dehan ba sira “Aten Brani bá, ne’e Ha’u duni, imi keta tauk”. Reflete; Hanesan Messias, Jesus nia domin sempre hatudu iha ninia protesaun, carinho no kontaktu pessoal sira, espesialmente ba sira ne’ebé presiza los Nia domin. Atu ita konfia nafatin iha Jesus. 

Mk 6:46-52

46Sira ba tiha ona, Nia sa'e ba foho tutun atu resa. 47Wainhira kalan ona, ro dook ona iha tasi laran, Nia mesak hela iha rai. 48Nia hare katak sira kbiit la to'o atu hean, basa anin hu’u hasouru sira. Besik rai hun mutin, Nia hakbesik sira hodi la'o iha tasi leten. Nia halo sira hanoin katak Nia atu liu de’it, 49maibé wainhira sira hare Nia la'o iha tasi leten, sira hanoin katak Nia mateklamar ida. 50Sira hakilar maka'as, basa sira hotu hare Nia. Sira hotu tauk teb-tebes. Maibé Nia koalia kedas ba sira dehan: “Aten berani ba. Ha’u mak ne'e, keta tauk!” 51Tuir mai , Nia tama ba ro laran. Anin hakmatek ona. 52Sira bilan de’it, basa sira la komprende milagre paun nian katak sa. Sira nia hanoin sei nakukun hela.

Today's Pointers on God's Word

As you read the passage what words, phases or meanings caught your attention?

  • Jesus revela Nia poder divinu wainhira Nia la’o iha tasi leten.  Jesus la promete ba ita katak ita sei la hasouru tempestade - laloran ka dezafiu iha ita nia moris. 
  • Iha laloron moris nian, ita presiza fiar no konfia katak Jesus sei mai hodi hakalma laloran ne’e no sei guia ita ba dalan ne’ebé lós ho koragem. 
  • Se ita iha fiar ne’ebé metin no konfia iha Maromak, laloran moris nian sei ajuda ita sai firme no forte liu tan tanto iha vida emosaun nian como iha vida espiritual nian.