Terça-Feira depois de Epifania: Loron 6, Fulan Janeiro, 2026, January 6, 2026

Reflection on the WORD

Maluk sira mak kristu hadomi,

“Jesus nia Domin no kompaixaun” – Fiar: iha Evangelho ohin, Jesus senti movido ho nia fuan kompaixaun ba ema barak – rihun lima. Jesus hanorin sira kona-bá Liafuan Diak Salvasaun nian, tamba Jesus haré sira nia moris hanesan “bibi oan sira ne’ebé laiha bibi atan sira”. Tan hanoin los sira, Jesus fó han sira hotu ho ikan rua no paun fuan lima ne’ebé Nia iha. Reflete; oinsa mak ita experimenta Jesus nia domin no Kompaixaun iha ita nia moris? 

Mk 6:34-37a,38,41, 44

34Wainhira Jesus tun housi ro, Nia hetan ema lubun boot ida. Nia hanoin ema sira ne'e teb-tebes, basa sira hanesan bibi ne’ebé bibi atan la iha. Nia hahu hanorin sira buat barak. 35Wainhira kalan besik ona, Nia eskolante sira hakbesik Nia hodi dehan: “Fatin ne'e fuik, no mos kalan besik ona. 36Ne’e duni, haruka sira ba atu sira bele la'o ba knua sira ne’ebé besik hodi sosa buat ruma atu han.”  37Nia hatan hodi dehan ba sira, “Imi rasik fo han sira ba.” 38Nia husu sira, “Imi iha paun fuan hira? Ba, hare ba!” Sira ba, no wainhira hatene ona, sira dehan: “Paun fuan lima no ikan rua.” 40Sira tur, ema atus ida - atus ida eh lima nulu - lima nulu. 41Tuir mai, Nia kaer paun fuan lima no ikan rua, foti matan ba lalehan, fo bensa hodi silu no fo ba Nia eskolante sira atu fahe ba ema sira. Nune'e mos Nia fahe ikan ba ema hotu. 42Ema hot-hotu han to'o bosu. 43Sira halibur hamutuk paun no ikan nia resin, luhu sanulu resin rua nakonu. 44Sira ne’ebé han besik rihun lima.

Today's Pointers on God's Word

As you read the passage what words, phases or meanings caught your attention?

  • Discípulo sira senti kompaixaun no hatudu sira nia preokupasaun ba ema barak ne’ebé senti hamlaha ona. Maibé Jesus hatudu ‘kompaixaun ne’ebé kle’an no profundu liu’ hodi responde ba sira ne’ebé mak hamlaha. 
  • Jesus ninia kompaixaun mak move nia hodi oferese ai-han ba ema hot-hotu – ema rihun lima. Jesus nia kompaixaun divinu ne’ebé mak halo buat ne’ebé impossivel sai possivel. 
  • Wainhira ita atende ba ita ne’ebé presiza, ita presiza oferese no konfia ita nia serbí no hahalok diak sira ba Maromak. Na’i Maromak mak sei tulun ita atu habot tan ita nia serbí tan ho ita nia forsa rasik ita sei labele serbí Maromak. Atu ita konfia nafatin iha Maromak nia grasa.