Epifania do Senhor: Domingo, Loron 4, Fulan Janeiro, 2026, January 4, 2026

Reflection on the WORD

Maluk sira mak Kristu hadomi, 

“Epifania do Senhor”: iha Evangelho ohin,“ema matenek sira”ne’ebé buka hela“Messias – Kosok oan”hetan iha rai Belém. Sira tuku-tur ba rai hodi hana’i ba Menino Jesus no oferese ho ksolok: osan mean, ai-wen morin no mina morin. Reflete; Maromak kontinua hatudu Nia presensa no Vontade ba ita, se ita hanesan ‘ema matenek sira’--- ita sei buka Maromak iha ita nia moris lorloron. 

Mt 2:1-3,8-11

1Jesus moris iha Belem iha rai Judeia iha loron liurai Herodes nian. Ema matenek balun housi lorosa'e to'o ba Jerusalem. 2Sira husu: “Judeu sira nia Liurai ne’ebé foin moris iha los ne’ebé? Ami hare tiha Nia fitun iha lorosa’e no ami mai tuku tur hanai Nia.” 3Rona tiha liafuan hirak ne'e, liurai Herodes hamutuk ho sidade tomak laran taridu teb-tebes.

 

8Hafoin nia haruka sira ba Belem dehan: “Imi ba to'ok. Imi sei husu tuir di-diak kona-bá Kiik Oan ne'e. Hafoin, hetan tiha nia, imi mai fo hatene ha'u atu ha'u mos bele ba tuku tur adora Nia.”  9Rona tiha liurai, sira la'o ona. Fitun ne’ebé sira hare iha lorosa’e la'o uluk sira oin, to'o fatin ne’ebé Kiik Oan hela ba. 10Hare tiha fitun, sira laran haksolok teb-tebes. 11Tama tiha uma laran, sira hare Kiik Oan ho Nia inan Maria. Sira tuku tur ba rai hodi adora Nia. Loke tiha sira nia rikusoi, sira hasa’e ba Nia sira nia buat ksolok; osan mean, aiben morin no naan horun. 

Today's Pointers on God's Word

As you read the passage what words, phases or meanings caught your attention?

  • Epifania signifika manifestasaun ka hatudu-an. Festa ida ohin, ita komemora Maromak nia hatudu-an iha Kristu, Salvador ba humanidade tomak. Ita selebra festa Redensaun Universal Kristu nian ba mundu tomak. 

     

  • Festa ohin fo hanoin ita, hanesan Kristu nia saseluk, hodi haklaken Kristu ba ema hotu ne’ebé haleu ita iha ita nia família, serbisu fatin, hospital, no fatin seluk ne’ebé mak ita hela ba. 
  • Ema matenek sira bá buka Kristu atu tuku tur ba rai hodi fó onra ba Nia. Oinsá ho ita nia sinceridade atu buka Kristu iha ita nia moris lorloron? Reflete; kona-bá oinsa Maromak manifesta Nia-an iha ita nia moris.