Santíssimo Nome de Jesus: Sábado, Loron 3, Fulan Janeiro, 2026, January 3, 2026

Reflection on the WORD

Maluk sira mak Kristo hadomi, 

 “João Batista nia Umildade”: João Batista nunka buka atu haboót nia naran rasik maibé João Batista haklaken Lialos Maromak nian kona-bá Jesus ne’ebé ‘Maromak hili nanis ona; Nia mak sei fó sarani ho Espírito Santo. Reflete; Ita iha humildade no sabedoria atu bele tau Maromak sai centro ba ita nia moris – sentidu no mata-dalan ba ita nia moris hodi nune’e ita bele fó Glória ba Maromak tan bensaun hotu ne’ebé ita simu husi Nia? 

Jn 1:29-34

João hatudu Jesus ba ema

29Loron tuir mai, hare tiha Jesus hakbesik ba nia, João dehan: “Ne’e mak Maromak nia Bibi Oan nebe kasu mundu nia sala. 30Kona ba Ida ne’e mak ha’u dehan ona: ‘Ema Ida sei mai tuir ha’u, nebe ba oin liu ha’u, tamba Nia uluk liu ha’u.’ 31Uluk ha’u la hatene Nia, maibe atu Nia bele hatudu an ba Israel, ha’u mai sarani ho be.” 32João fo sasin dehan: “Ha’u hare Espiritu Santu tun mai housi lalehan hanesan manu falur ida, nebe mai tur iha nia leten. 33Uluk, ha’u la hatene Nia, maibe Ida nebe haruka ha’u mai atu sarani ho be mak dehan mai ha’u: “Ida nebe o hare Espiritu tun ba Nia hodi hela iha Nia, Nia mak sei sarani ho Espiritu Santu.” 34Ha’u hare duni hodi fo sasin katak Nia mak Maromak nia Oan Mane.”

Today's Pointers on God's Word

As you read the passage what words, phases or meanings caught your attention?

  • João Batista hatene klaru nia misaun moris ne’ebé Maromak fó ba nia, no nia moris duni atu kumpri misaun ne’e ho plenitude. Ninia misaun mak prepara ema seluk atu simu Kristu. 
  • Ita senti triste los, wainhira ita la hatene ita nia misaun-moris iha mundu ida ne’e. Ita sei lakon oportunidade atu serbí Maromak tuir Nia hakarak ba ita nia moris.
  • Koko passa tempu balun hodi reflete kona-bá ita nia misaun iha moris ne’e. Husik Espírito Santo guia no leno ita nia fuan hodi hatene ita nia misaun-moris nian – ho nune’e mak ita bele responde ba Maromak nia bolu atu serbí Nia iha ita nia moris. Koko reza iha loron hirak tuir mai hodi senti movimentu interior sira ne’ebé revela Maromak nia vontade ba ita nia moris.