Oitava Natál Loron 7: Tersa-feira, loron 31, fulan Dezembru, 2025, December 31, 2025
Reflection on the WORD
Maluk sira mak Kristu hadomi,
“Lia-Fuan – Enkarnado” – Fiar: ‘Lia-Fuan; Eziste desde Eternidade; Prezente tiha ona iha tempu Kriasaun nian; sai Isin nu’udar Oan husi Aman; nakonu ho Grasa no Lia-Loos. Reflete;“Jesus, ne’ebé sai Ema loloos no maski nune’e, nafatin haksumik ni Divinidade loloos, revela Ninia Aman nia Hakarak Salvasaun nian ba ema hotu. Harohan atu hametin no hakle’an ita-nia relasaunpesoal ho Jesus.”
Jo 1:1,9-14,18
1Houri uluk kedas Liafuan iha nanis; Liafuan horik nanis ho Maromak; Liafuan mak Maromak. 9Naroman los mai iha raiklaran, naroman nebe leno ema hothotu. 10Nia horik iha raiklaran; raiklaran mosu liu housi Nia, maibe raiklaran la hatene Nia. 11Nia mai ba nia emar sira, maibe sira ne’e la simu Nia. 12Maibe, ba ema sira nebe simu Nia hodi fiar nia naran, Nia haraik kbiit atu sai Maromak nia oan. 13Ema sira ne’e la mai housi ema nia ran, eh tuir ema nia isin nia hakarak; la’os housi ema nia hakarak, maibe sira moris housi Maromak. 14Liafuan ne’e halo An ba ema, no horik iha ita leet. Ami hare nia gloria, gloria nudar Aman nia Oan Mane mesak, nakonu ho grasa no lialos. 18Ema ida seidauk hare Maromak; maibe Oan Mane mesak nebe horik ho Aman, Nia mak haklaken Maromak.
Today's Pointers on God's Word
As you read the passage what words, phases or meanings caught your attention?
- Jesus sai hanesan Maromak nia Liafuan no revela Lia-Loos husi Liafuan liu husi Nia hanoin, liafuan no hahalok ne’ebé sentru iha moris tomak ba Maromak.
- João hatene katak Jesus mak Liafuan ne’ebé hola isin ba ema “Naroman ema nian” hatudu no bolu nia eskolante sira ba Nia, tanba João nia fuan loke-an nafatin ba Espíritu Santu nia matadalan.
-
Ohin mak loron ikus tinan nian. Hanoin hikas oinsá Ita hala’o ita nia moris iha tinan ne’e. Dezafiu saida mak Maromak fó ba Ita? Husu ba Na’i atu fó grasa atu moris ba moris ne’ebé sentru liu ba Kristu no Espíritu Santo mak sei lidera ita iha tinan oin mai.