Oitava Natál Loron 6: Tersa-feira, loron 30, fulan Dezembru, 2025, December 30, 2025
Reflection on the WORD
Maluk sira mak Kristu hadomi,
“Profetiza Ana” – Fiar: Iha Evangelho ohin nian, Profeta Ana nia dedikasaun kle’an no serbisu ba Maromak iha Templu hetan Bensaun Espesiál, bainhira nia hasoru Kosok Oan Jesus; liu husi Espíritu Santu nia mahein. Reflete;“Hanesan Ana, se ita moris ho moris dedikadu-an iha serbisu, hadera-an no orasaun; ita mós sei bele discerne Maromak nia Prezensa ho klaru liu tan iha ita nia moris.”
Lc 2:36-40
36Iha mos feto duina ida, naran Ana, Fanuel housi suku Aser nia oan. Nia otas boot ona. Liu tiha nia tempu fetoran nian, nia moris ho nia la’en ba tinan hitu; 37hafoin nia moris nu’udar feto faluk to’o nia tinan ualu nulu resin haat. Nia la husik templu, Maibé serbi Maromak kalan loron, hodi halo jejum no hamulak. 38Iha oras neba, nia mai hodi fo agradese ba Na’i no koalia kona-bá Labarik ne’e ba sira hotu nebé hein maksoin Jerusalem nian.
39Halo tuir tiha buat hotu nebé Na’i nia ukunfuan haruka, sira fila fali ba Galileia, ba sira nia sidade iha Nazare. 40Labarik oan mos sai boot ba dau-daun no maka’as liu tan, nakonu ho matenek, no Maromak nia grasa hela hamutuk ho Nia.
Today's Pointers on God's Word
As you read the passage what words, phases or meanings caught your attention?
- Ana simu Maromak nia bolu atu tuir Na’i liu husi serbisu ba Na’i ho fidelidade. Nia orasaun no jejún konstante ajuda nia atu kontinua “konekta” ho Maromak.
- Nia santidade permite nia atu iha konsiênsia ne’ebé kle’an kona-bá Maromak nia prezensa, nune’e ho Espíritu Santu nia inspirasaun nia bele hatete uluk Jesus nia misaun iha rai ne’e.
-
Ana nia Simplesidade, orasaun no respeitu dada ema seluk ba Maromak. Ita iha kualidade hanesan mós ho Ana ka la’e? Ko’alia ho Na’i husi Ita-nia fuan kona-bá oinsá Ita uza kualidade ne’ebé Maromak fó ba Ita ba Nia no ba Nia povu.