São João, Apóstulo e Evangelista: Sábadu, loron 27, fulan Dezembru, 2025, December 27, 2025

Reflection on the WORD

Maluk sira mak Kristu hadomi,

“Fiar, Domin no Esperansa iha Jesus”: Iha Evangelho ohin nian, bainhira Maria Madalena fó sai katak Jesus Moris Hias tiha ona, João ne’ebé Jesus hadomi liu, no Pedro, sira nain rua halai ba Rate. Reflete;“Ita-nia fuan nakonu ho fiar, domin no esperansa ba Jesus ka la’e? Iha buat hotu ne’ebé ita halo, Jesus mak sai ita-nia Modelu no Salvadór; kona-bá oinsá ita tenke moris tuir Ninia Aman nia Hakarak no discerne Ninia Dalan sira?”

Jo 20:2-8

1Iha loron uluk semana nian, iha dadersan nakukun, Maria Madalena ba to’o rate hodi haré fatuk iha rate nia oin duir tiha ba sorin. 2Nia halai fali hasouru Simao Pedro no eskolante ida seluk nebé Jesus hadomi hodi dehan ba sira: “Ema lori tiha Na’i housi rate no ami la hatene sira tau los Nia iha nebé!” 3Pedro ho eskolante ida seluk sai kedas ba rate. 4Sira halai hamutuk Maibé eskolante ida seluk lalais liu Pedro hodi to’o uluk rate. 5Nia hakru’uk hodi haré hena sira namkari iha rai Maibé nia la tama. 6Simao Pedro mos to’o tuir nia; nia tama iha rate laran hodi haré hena sira namkari iha rai, 7no mos hena mutin nebé hodi falun Jesus nia ulun, ketak housi hena sira seluk lulun iha fatin seluk. 8Hafoin, eskolante ida seluk nebé to’o uluk ba rate tama hotu. Nia haré hodi fiar.

Today's Pointers on God's Word

As you read the passage what words, phases or meanings caught your attention?

  • Evangelho ohin nian anota katak Maria Madalena mak uluk liu fila ba rate. Nia mantein fiél ba Jesus maski, Jesus mate ona.
  • Eskolante seluk, João haré rate mamuk no fiar la dúvida katak Jesus moris hikas duni husi Nia mate. Oinsá mak Ita-nia fiar ba Kristu Moris-Hikas nian forte iha Ita-nia moris loron-loron liuliu wainhira Ita hasoru dezafiu moras sira, ezemplu: moras, relasaun kotu no seluk tan? 
  • Iha Ita-nia fiar ba Kristu Moris-Hias nian, oinsá mak Ita, iha dalan oin-oin, koko atu fó sasin ba Ita-nia fiar nia lia-loos?