DGEMs

Maluk sira mak Kristu hadomi,

“Martíriu” – Fiar: Iha Evangelho ohin nian, Jesus asegura Nia apóstolu sira katak bainhira sira hasoru perseguisaun iha sira-nia misaun, Espíritu Santu sei inspira no hakbi’it sira atu fó sasin fiar nian ho aten-barani no laran-metin. Reflete; “Ita mos moris no fó sasin ita-nia fiar ho kompromisu aten-barani, sasin la ta’uk, no serbisu haraik-an, ba Maromak nia Glória Boot Liu ka la’e?”

17Matan moris ho ema sira. Sira sei lori imi ba sinedriu hodi baku imi iha sira nia sinagoga laran. 18Sira sei lori hodi kesar imi ba emboot no liurai sira tamba Ha’u, atu imi fo sasin ba sira no ba gentiu sira. 19Maibé wainhira sira saran imi, keta hanoin resin kona-bá sa mak imi sei hatan, eh koalia oin sa; iha oras neba sei haraik ba imi atu dehan sa ida. 20Basa la’os imi mak koalia, Maibé imi Aman nia Espiritu mak sei koalia liu housi imi. 21Maun sei saran nia alin ba mate, aman sei saran nia oan; oan sira sei foti liman hasouru aman sira hodi oho sira. 22Ema hotu sei odi imi tan ha’u nia naran; Maibé ema nebé hela metin to’o rohan sei hetan maksoin.