DGEMs

Maluk sira mak Kristu hadomi,

“Mesias nia Mai – Fiar”: Iha Evangelho ohin nian, João Batista presiza konfirmasaun kona-bá sé lós mak Jesus. Jesus hatudu ba Ninia hahalok milagrozo sira: Nia kura ema sira nia: diuk, delek, moras-kulit, no halo ema mate moris fali. Reflete;“Milagre saida mak ita esperiênsia ona no sira fó efeitu saida ba iha ita-nia fiar, esperansa no domin ba Jesus?”

2Wainhira Joao rona iha kadeia laran kona ba Jesus nia hahalok sira, nia haruka nia eskolante na’in rua atu husu ba Nia: 3“Ita mak ida nebe atu mai ka ami sei hein ema seluk?”  4Jesus hatan ba sira: “Haktuir ba Joao ba buat nebe imi hare no rona: 5Ema matan delek sira hare; ema ain kudeik sira la’o; ema moras lepra sira sai mos; ema tilun diuk sira rona; mate sira moris fali; liafoun diak haklaken tiha ba ema kiak sira: 6no ksolok ba ema nebe la lakon fiar tamba Ha’u.”

7Sira ne’e hadook an daudaun, Jesus hahu koalia ba ema lubun kona ba Joao dehan: “Imi ba hare sa ida iha rai fuik maran? 10Kona ba nia mak hakerek tiha ona: ‘Ha’u haruka Ha’u nia manu ain atu ba O nia oin hodi hadia dalan ba o.’  11Tebes, Ha’u dehan ba imi: housi ema sira nebe moris housi feto la iha ida boot liu fali Joao Baptista; maibe ida nebe kiik liu iha reinu lalehan, boot liu fali nia.