2ª Semana Tempu Advento: Sábado, loron 13, fulan Dezembru 2025, December 13, 2025
Reflection on the WORD
Maluk sira mak Kristu hadomi,
“Matan-delek ba Fiar”: Iha Evangelho ohin nian, Jesus haklaken katak ema sei la rekoñese João Batista no mós Mesias; no sei persegue sira. Reflete;“dalaruma iha momentu balu ne’ebé ita hasoru rejeisaun no ema hewai no hatun ita; tanba fiar ne’ebé ita fó sasin iha ka la’e? Iha situasaun sira hanesan ne’e, hametin ba ita-nia ‘terus no dezafiu sira’ ho Jesus ne’ebé Terus ba ita-nia sala sira.”
Mt 17:10-13
10Eskolante sira husu ba Nia: “Ne’e duni, tansa eskriba sira dehan katak Elias sei mai uluk?” 11Nia hatan: “Los duni, Elias sei mai no nia sei halos buat hotu. 12Maibé Ha’u dehan ba imi: Elias mai tiha ona, no sira la hatene nia, Maibé sira halo ba nia tuir sira nia hakarak. Nune’e mos Oan Mane sei terus housi sira .” 13Ho lia hirak ne’e, sira hatene ona katak Nia koalia ba sira kona-bá Joao Baptista.
Today's Pointers on God's Word
As you read the passage what words, phases or meanings caught your attention?
- João Baptista haklaken kona-bá exigência nesesaria atu arrepende an husi dalan sala nian. Hodi halo nune’e, nia loke ema sira-nia fuan atu simu di’ak liu ba Liafuan Di’ak ne’ebé Jesus haklaken.
- João mós tenke hatene diserne se Jesus mak Mesias loos ne’ebé Israel tomak hein hela ne’e ka laos. Nia haree Jesus no koñese Nia nu’udar Mesias tanba nia fuan buka Nia ho paixaun.
- Oinsá mak ita seriu atu buka Lia-Loos husi Jesus durante tempu Adventu ne’e? Oinsá mak ita sai “esperansa no dame” ba ema seluk durante semana rua dahuluk Adventu nian ne’e? Ita sei sai instrumentu “ksolok nian” iha semana datoluk Adventu nian ka la’e? Oinsá mak Ita hatudu ema seluk ba Jesus?