DGEMs

Maluk sira mak Kristu hadomi,

“Bensaun – Responsabilidade” – Fiar: Iha Evangelho ohin nian, Jesus haklaken “ai-knanoik talentu sira-nian” ba ema lubun boot; hodi fo hanoin ba sira atu sai responsavel ba bensaun barak ne’ebé Maromak haraik ba sira. Reflete; “Maromak prezente iha nia Don sira; ita hadomi Maromak hodi valoriza Ninia Don sira husi: ita-nia fiar, família sira, talentu sira, belun sira no Ninia Kriasaun.”

Aiknanoik osan mean nian

11Wainhira sira rona tiha buat hirak ne’e, Jesus haktuir tan aiknanoik ida, tamba Nia besik ona Jerusalem, no mos tamba sira hanoin katak Maromak nia reinu sei mosu lalais. 12Ne’e duni, Nia dehan: “Ema boot ida ba tiha rai dook atu simu reinu, hafoin fila fali. 13Bolu tiha nia atan na’in sanulu, nia fahe ba sira osan mean sanulu, hodi dehan ba sira: ‘Fila liman ba to’o ha’u sei fila fali mai.’ 14Maibe ema sira iha reinu neba odi nia. Sira haruka manuain sira tuir nia hodi dehan: ‘Ami lakohi ema ne’e atu ukun ami.’ 15Simu tiha reinu, wainhira nia fila hikas, nia haruka ema bolu atan sira ne’ebé nia fo osan, atu hatene sira manan hira. 16Ida uluk mai dehan: ‘Na’i, ita nia osan manan sanulu tan.’ 17Nia hatan: ‘Diak tebes, atan diak, tamba o ema los kona ba sasan uitoan, o sei ukun sidade sanulu.’ 26‘Ha’u dehan ba imi: ba ida ne’ebé iha ona, sei fo tan; maibe housi ida ne’ebé la iha, sei hasai tan buat ne’ebé nia iha. 27Kona ba ha’u nia funubalun sira ne’ebé lakohi ha’u atu ukun sira, lori sira mai iha ne’e, oho tiha sira iha ha’u nia oin!’” 28Dehan tiha ne’e, Jesus la’o hodi sa’e ba Jerusalem.