DGEMs

Maluk sira mak Kristu hadomi,

“Fé ne’ebé aten-barani no kle’an”: Iha Evangelho ohin nian, ema matan-delek ne’e iha fiar ne’ebé aten-barani no kle’an iha Jesus . Nia husu ba Jesus atu kura nia; maski ema-lubun koko atu impede nia. Reflete; "Ita-nia fiar iha Jesuskle'an ka lae, ka ita fasil atu hetan influénsia atu halo ema seluk kontente envezde sai komprometidu kle'an iha ita-nia fiar, esperansa no domin ba Jesus?"

Ema matan delek housi Jeriko

35Wainhira sira hakbesik Jeriko, ema matan delek ida tur iha dalan ninin hodi husu esmola. 36Rona tiha ema lubun boot liu dau-daun, nia husu sa ida mak mosu. 37Sira hatan, “Jesus housi Nazare liu dau-daun.” 38Ne’e duni, nia hakilar: “Jesus, David nia oan, sadia atan ha’u!” 39Sira ne’ebé la’o iha oin haksi’ak nia atu nonok tiha, maibe nia hetok foti lia maka’as liu tan: “David nia oan, sadia atan ha’u!” 40Jesus para hodi haruka sira lori nia mai. Wainhira ema matan delek ne’e hakbesik, Jesus husu ba nia: 41“O hakarak Ha’u halo sa ida ba o?” Nia hatan: “Na’i, atu ha’u hare fali!” 42Jesus dehan ba nia: “Hare fali ba; o nia fiar soi tiha o.” 43Nia hare kedas no hahu tuir Jesus hodi hawelok Maromak. Hare tiha ne’e, povo tomak hahi Maromak.