DGEMs

Maluk sira mak Kristu hadomi,

"Perseveransa" - Fiar: Iha Evangelho ohin nian, Jesus haklaken "Parábola kona-bá feto-faluk ne'ebé persistente" atu fó hanoin mai ita kona-bá ita-nia nesesidade atu persevera iha ita-nia orasaun sira ba Maromak. Ita labele husik ita-nia orasaun sira, maibé fiar katak Maromak sei nunka falha ita tanba Nia hadomi ita ho klean no pessoal. Reflete; "Ita-nia orasaun sira sinseru, persistente no haraik-an ka la’e?"

Juis aat

1Tuir mai, Nia haktuir aiknanoik ida ba sira: sira sei harohan nafatin hodi la bele kole dehan; 2“Iha sidade ida iha juiz ida ne’ebé la tauk Maromak, la respeita ema. 3Iha sidade ne’e mos iha feto faluk ida ne’ebé ba hasouru nia dehan: ‘Halo lai justisa ba hasouru ha’u nia funubalun.’ 4Dala barak ona mak nia lakohi rona. Maibe loron ida nia dehan ba nia an: ‘Maski ha’u la tauk Maromak, no mos la respeita ema, 5atu feto faluk ne’e la bele fo bei-beik ulun moras mai ha’u, ha’u sei halo duni justisa ba nia atu nia la bele mai halo kole tan ha’u.’ 6Nune’e Na’i dehan: rona di-diak buat ne’ebé juiz aat ne’e dehan. 7Ne’e duni, Maromak sei la halo justisa ba sira ne’ebé Nia fihir, ne’ebé kalan loron hasa’e lia makaas ba Nia, hodi halo sira hein kleur tan? 8Tebes, Ha’u dehan ba imi katak Nia sei halo kedas justisa ba sira. Maibe wainhira Oan Mane sei fila hikas mai, Nia sei hetan fiar iha raiklaran ka lae?”