DGEMs

Maluk sira mak Kristu hadomi,

“Vigilánsia iha Fiar”: Iha Evangelho ohin nian, Jesus haklaken ba Ninia eskolante sira katak “Kristu nia Mai Daruak” sei mosu iha tempu ne'ebé ita la espera. No ita hotu sei hetan Julgamentu husi Maromak. Reflete; “Moris ho matenek mak moris ho vijilánsia boot; prepara an atu hasoru Maromak nia Tesi-lia. Ita prontu no iha dame atu hasoru Maromak nia Tesi-lia Ikus?”

30Nune’e mos sei mosu iha loron ne’ebé Oan Mane sei hatudu an. 31Iha loron neba, ema ne’ebé iha uma nia kakuluk keta tun atu hola nia sasan sira; nune’e mos ida ne’ebé iha to’os keta fila fali ba buat ne’ebé nia husik. 32Imi hanoin fali Lot nia feen.”

33“Ema ne’ebé hakarak soi nia moris, sei lakon moris ne’e; no ema ne’ebé lakon nia moris, sei soi nia. 34Ha’u dehan ba imi: iha kalan neba ema na’in rua sei toba iha fatin ida: sira sei lori ida hodi husik ida seluk. 35Feto na’in rua sei tuku batar hamutuk: sira sei lori ida, hodi husik ida seluk.” 36Sira simu dehan: “Na’i, buat ne’e sei mosu iha los ne’ebé?” 37Nia hatan ba sira: “Iha fatin ne’ebé isin mate hela, iha neba mos mak manu makikit sira sei halibur hamutuk.”