DGEMs

Maluk sira mak Kristu hadomi,

“A Providência Maromak, ita nia Aman Doben” – Fiar: iha Evangelho ohin, Jesus ho aten brani, la tauk buat ida professa katak Nia sei mate iha Jerusalem tuir Nia Aman Doben nia providência. Reflete; Na’i Maromak hatene; bainhira mak ita moris no ita sei mate iha ne’ebé. Maibé Maromak nunka kolen atu haraik nia bensaun mai ita, dezafia ita bebeik, no protege ita ho nia domin. Ita tau duni Maromak sai centro ba ita nia moris ka lae?

Jesus sei mate iha Jerusalem

31Iha loron neba, fariseu balun mai hodi dehan ba Nia: “Sai tiha housi ne’e, basa Herodes hakarak oho Ita.” 32Nia hatan ba sira: “Imi la’o ba, hodi dehan ba asu fuik ne’e: ‘Ha’u duni sai diabu sira, hodi fo isin diak ba ema ohin no aban; no bainrua Ha’u nia knaar hotu ona. 33Maibé ohin, aban no bainrua Ha’u sei tuir Ha’u nia dalan: basa profeta ida la bele mate iha Jerusalem liur. 34Jerusalem, Jerusalem, ne’ebé oho profeta sira no tuda sira ne’ebé Na’i haruka ba o! Dala hira ona Ha’u buka atu halibur o nia oan sira, hanesan manu inan tau nia oan sira iha nia liras okos, Maibé o lakohi! 35Tebes, ema sei hamamuk imi nia uma. Maibé Ha’u dehan ba imi katak imi sei la hare tan Ha’u to’o loron ne’ebé imi sei dehan: ‘Rahun diak ba Ida ne’ebé mai hodi Na’i nia naran!’”