29ᵃ Semana Tempu Komun: Sabado, loron 25, fulan Outubro, 2025, October 25, 2025
Reflection on the WORD
Maluk sira mak Kristu hadomi,
“Maromak nia Justisa" – Fiar: Jesus ko’alia kona-bá “Parábola ai-figueira” hodi fó hanoin ema multidão atu apresia Maromak nia grasa no bensaun sira. Jesus dehan “ai figueira” ne’ebé la fó fuan tinan tolu ona, diak liu Tesi tiha; tamba nia absorve hahan barak mai husi rai. Reflete; “wainhira ita la uza bensaun no grasa sira ne’ebé Na’i haraik ona mak ita ba Maromak nia Glória, Na’i sei foti fali husi ita”.
Lk 13:6-9
6Nia dehan tan aiknanoik ida ne’e: “Ema ida kuda tiha ai figueira ida iha nia to’os. Loron ida nia ba buka nia aifuan, Maibé la hetan. 7Tan ne’e, nia hateten ba to’os atan: ‘Tinan tolu ona ha’u mai buka aifuan iha aihun ne’e, Maibé la hetan ida. Tesi tiha nia! Tansa nia susu le’et rai bokur?’ 8Maibé to’os atan hatan: ‘Na’i, husik nia tinan ida ne’e tan, atu ha’u sei ke’e hadulas nia hun hodi tau mos rai metan. 9Tinan mai nia sei fo fuan karik, diak; lae karik, mak ha’u sei tesi tiha nia.’”
Today's Pointers on God's Word
As you read the passage what words, phases or meanings caught your attention?
- Evangelho ohin ko’alia kona-bá Maromak nia domin misericordiozu. Ai figueira presiza tinan tolu atu bele bot no fo fuan. Se depois de tinan tolu no la fo fuan, to’os na’in la espera tan ai ne atu fo fuan.
- Maibé to’os na’in, ne’ebé reprezenta Maromak nia domin mizericordiozu, fó tan tempu ba ai figueira ne’e atu bele fó fuan. Espera katak depois de tesi tiha sanak sira ne’ebé ladiak no tau tiha adubu ba ai ne’e nia abut, ai figueira ne’e sei fó fuan.
-
Maromak mós hanesan to’os na’in ne’e, Nia sei hatudu nafatin nia laran luak ba ita maski ita la fó fuan iha ita nia moris ho grasa sira ne’ebé nia fó ona ba ita. Maromak dezafia ita atu halo desizaun ne’ebé diak hodi transforma ita nia moris sai diak liu tan. Maski ita tenki halo sakrifisu barak hodi bele iha transformasaun ba ita nia moris.