DGEMs

Maluk sira mak Kristu hadomi,

“Viver uma vida discernido" – Fiar: Jesus ko’alia ba multidão (ema barak) atu uza sira nia talentu no inteligensia hodi halo discernimento no moris dignu tuir Maromak nia vontade. Reflete; atu bele moris iha vida ida ne’e nakonu ho discernimentu, ita presiza kria relasaun pessoal ho Jesus. Ida ne’e signifika, ita presiza hari baze vida espiritual ida ne’ebé solida – metin hodi ativu iha ita nia orasaun pessoal sira no hadomi eukaristia.

54Nia dehan tan ba ema lubun boot: “Wainhira imi hare kalohan ida iha loromonu, imi dehan katak udan sei tau, no mosu duni nune’e. 55Wainhira anin hu’u housi tasimane, imi dehan katak loron sei manas, no mosu duni nune’e. 56Imi ema laran makerek sira! Imi hatene si’ik buat ne’ebé mosu iha lalehan no iha rai, nusa mak imi la hatene si’ik otas ne’e? 57Tan sa imi rasik la hare buat ne’ebé los? 58Ne’e duni, wainhira o ba tribunal hamutuk ho o nia funubalun, buka hadame malu ho nia iha dalan; keta halo be nia lori o ba juiz, hafoin juiz saran o ba guarda, no guarda hatama o iha dadur laran. 59Ha’u dehan ba o katak o sei la sai housi neba to’o o selu hotu.”

• Iha Evangelho ohin, Jesus hasae lian makas ba multidão ne’ebé la presta atensaun ka labele lee sinais do tempu hodi nune’e bele iha kapasidade atu antisipa saida mak sei akontese iha futuru. 

• Situasaun ne’ebé hanesan mos bele akontese iha ita, ita hatene diak los kona-bá lalaok mundu nian Maibé ita laiha vigilansia ba fiar ne’ebé ita professa. Ita preokupa liu ho moris mundu ne’e nian ne’ebé halo ita la buka dalan ne’ebé kreatiru atu haklean ita nia fiar iha Maromak. 

• Ita presiza kuda no tau matan fini fiar nian iha ita nia moris lorloron. Oinsa mak ita bele iha moris/vida ida ne’ebé discernida”?