29ᵃ Semana Tempu Komun: Tersa-Feira, loron 21, fulan Outubro, 2025, October 21, 2025
Reflection on the WORD
Maluk sira mak Kristu hadomi,
“Vigilância” - Fiar: iha Evangelho ohin, Jesus fó hanoin nia discípulo sira atu sai vigilante iha sira nia maneira haklaken Liafoun Diak Salvasaun nian. Reflete; atu sai vigilante iha ita nia fiar, ita presiza mate ba ita nia-an rasik lorloron no simu dezafiu sira moris nian no mos halo sakrifisiu sira hanesan saida mak Jesus hanorin ona mai ita. Jesus ninia perseguisaun no mate iha cruz mak Nia vigilansia ho kompromisu ne’ebé Nia iha atu obedese no moris tuir Nia Aman Nia vontade.
Lk 12:35-38
35“Kesi metin imi nia futukabun no halo imi nia ahi oan lakan nafatin. 36Halo imi an hanesan ema sira ne’ebé hein sira nia na’in wainhira nia mai housi festa kaben nian, atu loke kedas odamatan iha oras ne’ebé nia to’o mai hodi tuku odamatan. 37Ksolok ba atan sira ne’ebé Na’i hetan hader hela wainhira Nia to’o. Tebes, Ha’u dehan ba imi katak, nia sei kesi hena ba nia knotak, sei halo sira tur iha meja, hafoin Nia sei liu housi sira le’et hodi serbi sira. 38Nia to’o mai karik iha ronda rua ka tolu, hodi hetan sira nune’e, ksolok duni ba sira.
Today's Pointers on God's Word
As you read the passage what words, phases or meanings caught your attention?
- Wainhira ita reza, ita sai vigilante liu tan hodi kultiva no hakiak ita nia fiar. Vigilancia ne’e diak ba ita nia kreximentu fiar nian ba ita nia-an no mos ba ema seluk.
- Wainhira ita aloka tempu espesial ba Maromak hodi halo orasaun, ita komesa sai vigilante ba ita nia fiar. Maibé ita mos hatene katak ita presiza fiar metin nafatin ba tempu sira ne’ebé ita senti mesak tamba Maromak sempre hamutuk ho ita iha ita nia moris. Tamba ne’e, wainhira ita planu atu reza, no discerne, ita nia pensamentu sira presiza responde ba Maromak nia vontade.
-
Halo orasaun ne’ebé diak, ita presiza rona, hein no halo asaun tuir Maromak nia vontade. Reza ba sabedoria atu bele moris tuir Maromak nia dalan ho vigilansia fiar nian.