DGEMs

Maluk sira mak Kristu hadomi,

“Na’i nia to’os bot tebest" – Fiar: iha Evangelho ohin, Jesus haruka nia discípulo na’in 72 hodi ba haklaken Liafuan Diak Salvasaun nian ba cidade hothotu. Jesus dehan ba sira “To’os bot tebes maibé serbísu na’in sira ituan de’it”. Reflete; “Ita senti abensoadu ho grasa Fiar nian ne’ebé oferese ka garatia moris rohan la’ek ba ita. Tamba ne’e, ita mós presiza responsavel ba ita nia fiar hodi sai sasin Kristu nian atu lori ema barak liu tan besik ba Maromak.

1 Ne’e hotu tiha, Na’i fihir eskolante hitu nulu resin rua tan, hodi haruka sira rua rua atu ba uluk iha sidade no fatin sira ne’ebé Nia atu ba. 2Nia dehan ba sira: “To’os boot duni, Maibé serbisu na’in sira uitoan de’it. Tan ne’e, husu to’os na’in ba atu haruka serbisu na’in sira ba Nia to’os. 3La’o ba. Ha’u haruka imi ba nu’udar bibi oan sira iha asu fuik sira le’et. 4Keta lori bukae, kohe eh sandalias. Keta kumprimenta ema ida iha dalan. 5Imi tama karik iha uma ida, uluk knanain dehan: ‘Dame ba uma ne’e!’ 6Iha karik ema dame na’in ida iha neba, imi nia dame sei horik ho nia; lae karik, sei fila fali ba imi. 7Hela iha uma ne’e ba, han hemu buat ne’ebé sira iha; basa serbisu na’in soi atu simu nia kolen. Keta tama uma sai uma sira. 8Imi tama iha sidade ida no sira simu imi karik, han ba buat ne’ebé sira fo ba imi. 9Fo isin diak ba ema moras sira iha neba, hodi hateten ba sira: ‘Maromak nia reinu besik ona imi’