DGEMs

Maluk sira mak Kristu hadomi,

“Moris ne’ebé iresponsavel” – Fiar: iha Evangelho ohin, Jesus dezafia ema Farizeu sira ne’ebé moris iha pekadu nia laran hanesan sira nia ancestrais ka bei-ala sira hodi halo injustisa no hamate ema seluk ho sira nia moris. Sira tenki toma responsabilidade ba injustisa no hahalok aat hotu ne’ebé sira halo ona. Reflete; Reza ba Maromak no husu grasa atu bele iha responsabilidade ba ita nia moris no hatene atu discerne no foti desizaun diak iha moris. Ho nune’e mak ita bele uza Maromak nia bensaun no grasa sira hodi habot tan Na’i Maromak nia Glória.

47Susar ba imi ne’ebé hada rate profeta sira nian: Maibé imi nia bei ala sira rasik mak oho sira! 48Nune’e imi fo sasin, hodi hakarak mos imi nia bei ala sira nia hahalok sira; basa sira mak oho, imi mak hada rate. 49Tan ne’e Maromak nia matenek dehan: ‘Ha’u sei haruka profeta no apostolu sira ba sira; balun sira sei duni sai no oho,’ 50atu ema otas ne’e nian sei hatan kona-bá profeta sira hotu nia ran, ne’ebé nakfakar houri mundu hahu, 51housi Abel nia ran to’o Zacarias nian, ne’ebé ema oho iha altar no santuariu nia klaran. Tebes, Ha’u dehan ba imi, ema sira ne’e sei hatan kona-bá buat hirak ne’e hotu.