28ᵃ Semana Tempu Komun: Quarta-Feira, loron 15, fulan Outubro, 2025 , October 15, 2025

Reflection on the WORD

Maluk sira mak Kristu hadomi,

“Hipokrizia” – Fiar: iha Evangelho ohin, Jesus ko’alia ho lian makas ba ema farizeu sira tamba sia nia hipokrizia iha sira nia moris/prátika fiar nian. Sira kumpri lei Moises nian maibé sira nia moris hatudu injustisa, abuzu poder no buka atu gava-an. Reflete; Ita sei laiha fuan ne’ebé hakmatek lolos, senti ksolok lolos, se ita nia fiar namlele de’it iha buat ne’ebé ema seluk bele hare ka hipokrizia fiar nian.

Lk 11:42-46

Jesus dehan ba Farizeu sira, 42susar ba imi, fariseu sira, ne’ebé selu impostu ruku, salsa no modo tomak nian, Maibé haluha justisa no domin ba Maromak! Halo duni buat ne’e ba, Maibé keta haluha buat seluk. 43Susar ba imi, fariseu sira, ne’ebé gosta tur iha fatin uluk iha sinagoga no haksolok wainhira ema kumprimenta imi iha basar. 44Susar ba imi, basa imi hanesan rate sira ne’ebé ema la hare no ema sama tamba sira la hatene!” 

45Doutor ukunfuan nian ida simu hodi dehan: “Mestre, wainhira Ita ko’alia hanesan ne’e, Ita hateten aat mos ami.” 46Nia hatan: “Susar mos ba imi, doutor ukunfuan sira nian, basa imi tau naha todan liu ba ema, Maibé imi rasik la book limanfuan ida mos atu foti nia.

Today's Pointers on God's Word

As you read the passage what words, phases or meanings caught your attention?

  • Iha Evangelho ohin, Jesus konfronta farizeu sira tamba sira hatudu dalan ne’ebé lalos ba ema seluk, ema escriba sira impoem regra ne’ebé la nesesariu hodi hatodan ema seluk nia moris. Hahalok ema Farizeu no Escriba sira lahatudu Maromak nia mandamanteu atu Hadomi Maromak no hadomi ita nia vizinho. 
  • Jesus hanorin ita katak Maromak nia mandamentu lolos mak Hadomi Maromak no hadomi ita nia belun ho fuan no laran tomak. Jesus rasik hatudu domin ida ne’e liu husi Nia terus, mate iha cruz atu bele salva ita husi terus no todan moris nian. 
  • Ita husik Maromak nia domin atu transforma ita nia neon no fuan? Ita prontu ka la’e atu bele tulun lori naha todan ita nia belun sira ne’ebé ita konhece? Buka tempu hakmatek hodi halo konversa ho Maromak.