28ᵃ Semana Tempu Komun: Tersa-Feira, loron 14, fulan Outubro, 2025, October 14, 2025
Reflection on the WORD
Maluk sira mak Kristu hadomi,
“Santidade” – Fiar: iha Evangelho ohin, ema farizeu sira hakfodak tamba Jesus la fase nia ain no liman antes jantar hamutuk ho sira. Jesus ko’alia ba sira katak hakarak hamos kopu ida karik tenki hamos kopu ne’e tomak – laran no liur. Reflete; Ita halo diak hodi hatudu de’it katak ita santa ka santo? Maromak hatene no hare ita nia seriedade iha ita nia domin ba Nia husi ita nia fuan.
Lk 11:37-41
37Jesus sei ko’alia hela, fariseu ida konvida Nia atu han iha nia uma. Nia tama hodi tur iha meja. 38Fariseu hakfodak, basa hare Nia la fase an molok atu han. 39Na’i dehan ba nia: “Imi fariseu sira hamos kopu no bikan nia liur, Maibé imi nia laran nakonu ho hakarak atu hadauk sasan no hanoin aat. 40Beikten sira! Ida ne’ebé halo buat ne’ebé iha liur, la halo mos buat ne’ebé iha laran? 41Imi fo esmola housi imi nia laran, no buat hotu sei sai mos ba imi. 42Maibé susar ba imi, fariseu sira, ne’ebé selu impostu ruku, salsa no modo tomak nian, Maibé haluha justisa no domin ba Maromak! Halo duni buat ne’e ba, Maibé keta haluha buat seluk.
Today's Pointers on God's Word
As you read the passage what words, phases or meanings caught your attention?
- Iha Evangelho ohin, Jesus ko’alia ho lian hirus ba uma na’in sira ne’ebé mos lideres religioso tamba sira nia fuan impuru – fuan la mos hodi kritika Jesus tamba la fase ain no liman antes jantar ho sira.
- Jesus hanorin ita katak ita presiza iha neon no fuan ne’ebé mak mós, ita labele hatudu de’it katak ita mós iha liur – iha buat ne’ebé ema bele hare. Jesus hafanun ita atu hatene katak se ita nia fuan nakonu ho domin no kompaixaun, entaun ita labele sai egoista, loko-an, arogansia, no hadau ema seluk nia direitu ba nesesidade moris nian.
-
Ita husik Maromak nia domin hodi transforma ita nia neon no fuan? Reza no husu Jesus atu hamos ita nia fuan husi hanoin aat sira, dezeju aat sira hodi nune’e ita bele hatudu hahalok diak no ko’alia liafuan mamar ba ema hotu ne’ebé ita hasouru iha ita nia moris lorloron.