27ᵃ Semana Tempu Komun: Quinta-Feira, loron 9, fulan Outubro, 2025, October 9, 2025

Reflection on the WORD

Maluk sira mak Kristu hadomi,

“O Amor Divino do Pai” – Fiar: Iha Evangelho ohin, Jesus proklama ba Nia discípulo sira katak Nia Pai nunka husik atu la fó buat ne’ebé ita husu ba Nia. Sim, Maromak nia domin ba ita boot teb-tebes, domin ne’ebé infinitu no para sempre. Maibé, ita nia domin ba Nia impuru, la dura no la konsistente – ita muda hela de’it ita nia maneira hadomi Maromak. Reflete; Reza atu fiel nafatin iha ita nia Domin, fiar no esperansa iha Maromak.

Lk 11:9-13

9Ne’e duni, Ha’u dehan ba imi: husu ba, imi sei simu; buka ba, imi sei hetan; tuku odamatan ba, odamatan sei nakloke ba imi. 10Basa ema hotu ne’ebé husu, sei simu; ema ne’ebé buka sei hetan; no ba ema ne’ebé tuku odamatan, odamatan sei nakloke ba nia. 11Iha imi le’et, aman ida ne’ebé mak sei fo samea wainhira nia oan husu ikan? 12Eh sei fo sakunar ida wainhira nia husu manu tolun? 13Ne’e duni, maski imi ema laran aat hatene fo buat diak ba imi nia oan sira, oin sa liu tan mak imi nia Aman iha lalehan sei haraik Espiritu  Santu ba sira ne’ebé husu ba Nia?”

Today's Pointers on God's Word

As you read the passage what words, phases or meanings caught your attention?

  • Como ita nia Aman Maromak hatene buat hotu no conhece ita nia-an diak liu fali ita conhece ita nia-an rasik, ita presiza husik Nia atu guia no deside ba ita buat ne’ebé ‘melhor’ ba ita tuir Nia vontade. 
  • Tamba ne’e, ita presiza konfia ka laran metin katak Maromak sei haraik mai ita buat ne’ebé diak liu tan ita nia orasaun sira. Maromak sempre hatan ba ita nia orasaun sira, Maibé Nia hatan tuir Maromak nia maneira no tuir Maromak nia tempu. Ida ne’e mak Jesus hateten ba ita “husu ba, imi sei simu, buka ba, imi sei hetan, tuku odamatan ba, odamatan sei nakloke ba imi. Maromak sempre hatan ba ita nia orasaun sira. 
  • Reza ba grasa atu hakle’an imi relasaun ho Jesus, atu labele hakbesik ba Maromak iha tempu sira ne’ebé o presiza Maromak atu halo tuir o nia hakarak. Wainhira ita espera Maromak halo tuir ita nia hakarak, ita sai egoista hodi manipula Maromak nia domin ba ita.