27ᵃ Semana Tempu Komun: Quarta-Feira, loron 8, fulan Outubro, 2025, October 8, 2025

Reflection on the WORD

Maluk sira mak Kristu hadomi,

“Harohan oinsa ba Maromak” – Fiar: iha Evangelho ohin, Jesus hanorin nia Discípulo sira atu reza orasaun “Ami Aman”. Jesus konvida ita atu foku ba “Nia Aman”. Ita presiza fó onra ba Nia Naran; buka nia providensia, nia mizerikordia no husu ita nia ai-han lor-loron nian. Ita reza mós hodi husu grasa atu bele perdua ema seluk. Reflete; wainhira ita reza orasaun “Ami Aman” – ita reza ho seriedade, ho fuan tomak no reza bebeik?

Lk 11:1-4

1Loron ida, Nia harohan iha fatin ida. Hotu tiha, nia eskolante ida hateten ba Nia: “Na’i, hanorin ami atu harohan hanesan Joao Baptista hanorin nia eskolante sira.” 2Nia dehan ba sira: “Wainhira imi harohan, hateten nune’e: ‘Aman, tulun ema atu hahi Ita naran. Halo Ita nia reinu to’o mai ami. 3Haraik aihan loron loron nian mai ami. 4Haraik perdua mai ami sala, nu’udar ami perdua ema ne’ebé halo aat ami. Labele husik ami monu ba babeur.’”

Today's Pointers on God's Word

As you read the passage what words, phases or meanings caught your attention?

  • Orasun ne’ebé Jesus hanorin hela ba ita komesa ho “Aman”, ---Aman mak heroi no figura ne’ebé ezizi respeitu, hatudu domin no mos autoridade ba oan sira. Jesus hanorin ita atu bolu Maromak “ita nia Aman” tamba ita mak nia oan sira. 
  • “Haraik aihan lorloron nian mai ami”--- ita harohan hodi husu Maromak, hanesan ita nia Aman atu haraik mai ita buat hotu ne’ebé ita presiza lorloron. Reflete; oinsa ita husik ita nia-an atu depende ba Maromak nia grasa totalmente? Oinsa ita hatudu ita nia gratidaun ba Maromak ne’ebé tau matan ba ita nia moris? 
  • Jesus mos enkoraja ita atu husu Aman Maromak atu perdua ita nia sala sira no haraik mai grasa atu bele perdua ema seluk ne’ebé hakanek ita. Wainhira ita perdua ema seluk, Maromak nia miserikordia sei halo ita senti paz no domin Maromak nian iha ita nia moris.