DGEMs

Maluk sira mak Kristu hadomi,

“Nossa Senhora do Rosario” - Fiar: Iha loron festa ohin, Ita selebra Maromak nia presente espesial ba Igreja; Maria nia partisipasaun iha Aman Maromak nia planu Salvasaun. Maria nia moris nakonu ho Espiritu Santo nia roman, Maria nia moris hetan bensaun husi nia Oan Jesus nia moris. Reflete kona-bá mistérios gozosos, luminosos, dolorosos e gloriosos iha orasaun Rosário ka tersu ne’ebé hatudu Maromak nia Lialos ba ita nu’udar Maromak Oan.

26Iha fulan neen, Maromak haruka anju Gabriel ba knua ida Galileia nian, naran Nazare, 27ba fetoran ida ne’ebé hakotu tiha ona ba mane ida naran Jose, housi David nia umakain; fetoran ne’e naran Maria. 28Tama tiha iha uma, anju dehan: “Rahun diak, feto kmanek wa’in tebes! Na’i ho ita!” 29Rona tiha lia ne’e, nia laran taridu hodi husu ba nia an rasik kumprimentu ne’e katak sa los. 30Anju dehan ba nia: “Keta tauk, Maria; basa o hetan rahun diak tebes iha Maromak futar oin. 31O sei ko’us no tur ahi oan mane ida. O sei hanaran Nia Jesus. 32Nia sei sai ema boot; ema sei hanaran Nia Na’i aas liu hotu nia Oan. Na’i Maromak sei haraik ba Nia nia aman David nia kadunan.  34Maria husu ba anju: “Ne’e sei sai oin sa los, basa ha’u la hola mane?” 35Anju hatan ba nia dehan: “Espiritu Santu sei tun ba o no Na’i aas liu hotu nia kbiit sei hamahan o. Tan ne’e santu ne’ebé atu moris sei hanaran An ‘Maromak nia Oan.’ ” 38Maria dehan: “Ne’e sa, Na’i nia atan oan mak ne’e. Halo tuir ita liafuan ba!” Hafoin anju husik nia.