DGEMs

Maluk sira mak Kristu hadomi,

“Ita nia Vizinho” - Fiar: iha Evangelho ohin, Jesus relata ba ita kona-bá “ema samaritanu diak ida” hodi fó hanoin ba ita kona-bá ita nia knar hodi hatudu kompaixaun ba ema hot-hotu. Reflete; “Kada pessoa/individu presiozu tebes nu’udar Maromak nia-oan”. Reza hodi husu grasa atu transcende ita nia pre-konseito sira no buka atu kria relasaun ne’ebé diak ho ema hot-hotu – ita presiza sai sasin ba Kristu ne’ebé hatudu ona ba ita nia fuan ne’ebé nakonu ho amor mizerikordiozu no kompassivo.

29Maibé, tan nia hakarak souri an, nia dehan ba Jesus: “Maibé, se mak ha’u nia maluk?” 30Jesus hatan hodi dehan: “Ema ida tun housi Jerusalem ba Jeriko. Nia monu iha na’okten sira nia liman. Sira hadau nia sasan sira hodi baku tasak nia; hafoin sira halai, hodi husik hela nia besik atu mate. 31Amlulik ida liu housi neba; hare tiha ema ne’e, nia hakat ba dalan nia ninin seluk. 32Nune’e mos levita ida liu housi neba: hare tiha ema ne’e, nia hakat ba dalan ninin seluk. 33Maibé, wainhira Samaritanu ida liu housi neba, hare tiha ema ne’e, nia hanoin nia teb-tebes. 34Nia hakbesik, tau mina ho tua ba nia kanek sira hodi falun sira, hafoin foti ema ne’e ba nia kuda rasik no lori nia ba uma ida hodi tau matan ba nia.

36Tuir ita nia hanoin, sira na’in tolu ne’e, ida ne’ebé mak maluk ba ema ne’ebé monu iha na’okten sira nia liman?” 37Nia hatan: “Ida ne’ebé hatudu laran luak ba nia.” No Jesus hateten ba nia: “Ba, hodi halo mos nune’e.”