DGEMs

Maluk sira mak Kristu hadomi,

“Maromak nia Atan” – Fiar: Jesus haklaken ba Nia discípulo sira kona-bá “realidade” sai hanesan “atan” ba Maromak. Ita senti hanesan onra ida wainhira ita serbí Na’i tamba Nia mak Maromak Todo-Poderoso, Amoroso no misericordioso. Ita mak Nia kriatura sira ne’ebé mak iha limitasaun barak no monu lalais ba pekadu. Reflete; wainhira ita konsiente ba ser humanu nia limitasaun no frakeza sira, ita foin bele afirma, ho haraik-an, realidade ita nia ho ita nia relasaun ho Maromak.

5Apostolu sira hateten ba Na’i: “Haboot ami nia fiar!” 6Na’i hatan ba sira: “Imi nia fiar boot karik hanesan modo musan ida, imi bele dehan ba aihun ne’e: ‘Fokit o an housi ne’e, ba kuda o an iha tasi laran,’ nia sei halo tuir. 

7Iha imi le’et se mak, iha atan ida ne’ebé fila rai ka hein bibi, wainhira nia fila mai uma, sei dehan ba nia: ‘O mai lalais tur iha meja?’ 8Nia sei la dehan fali: ‘O ba tein,’ ka ‘O ba hatais lalais atu ha’u han no hemu; ne’e liu tiha mak o sei tur han no hemu?’ 9Ema se mak sei fo obrigadu ba nia atan tan atan ne’e halo buat ne’ebé nia haruka? 10Nune’e mos imi, wainhira imi halo tiha imi nia knaar tomak, dehan ba: ‘Ami atan folin laek, ami halo de’it ami nia obrigasaun.”