DGEMs

Maluk sira mak Kristu hadomi,

“Haksolok ba tamba Lalehan hanesan dom ka presenti Fiar nian”: Iha Evangelho ohin, Jesus fo hanoin Discípulo na’is 72 atu “haksolok tamba imi nia naran hakerek tiha ona iha lalehan” Reflete; Dom ka presenti moris rohan laek iha Lalehan mak dom ne’ebé presiozu liu ba ita nu’udar fiar na’in tamba ita bele moris no hadomi Maromak, hare Maromak nia oin por toda a eternidade. Mai ita tau matan ho kuidadu dom presiozu ida ne’e ho fuan ne’ebé nakonu ho gratidaun.

17Sira hitu nulu resin rua ne’e fila fali hodi haksolok dehan: “Na’i, diabu sira mos tuir ami hodi Ita nia naran.” 18Nia hatan ba sira: “Ha’u foin hare Satanas monu housi lalehan hanesan rai lakan. 19Los duni, Ha’u haraik tiha kbiit ba imi atu sama samea no sakunar sira, hodi manan funubalun nia kbiit tomak; la iha buat ida ne’ebé bele halo aat imi. 20Maski nune’e, keta haksolok tamba espiritu sira tuir imi; haksolok de’it tamba imi nia naran hakerek tiha ona iha lalehan.”

Hafoin haketak tiha nia escolante sira housi sira seluk, Nia dehan: “Ksolok ba matan sira ne’ebé hare buat ne’ebé imi hare, Basa Ha’u dehan ba imi katak profeta no liurai sira barak uluk nian hakarak hare buat ne’ebé imi hare, Maibé sira la hare; hakarak rona buat ne’ebé imi rona, Maibé sira la rona”.