DGEMs

Maluk sira mak Kristu hadomi,

“Obstinação (apego) iha fiar": Iha Evangelho ohin, Jesus kondena makas cidade sira hanesan Corazim, Betsaida no Cafarnaum iha regiaun Galileia nian, tamba ema sira iha cidade sira nia abstinasaun no matan delek no lakohi arepende ba sala sira maski Jesus halo ona milagre barak iha sira nia oin. Reflete; existe parte/area ruma iha ita nia moris iha ne’ebé ita lakohi arepende tamba ita gosta moris ho apego sira mundu nian? Reza hodi husu grasa atu arependimentu hodi fila ba Maromak nia dalan.

13“Rahun aat ba o, Korozain! Rahun aat ba o, Betsaida! Basa, milagre sira ne’ebé halo tiha iha o halo karik iha Tiro no Sidom, kleur ona mak sira hakribi sira nia sala hodi hatais karon no taka sira an ho ahikdesan. 14Maibé iha loron tesi lia nian, Tiro no Sidonia sei la hetan susar hanesan imi. 15O mos, Kafarnaum, hakarak foti an to’o lalehan? Ema sei hamonu o to’o inferno!” 16“Ema ne’ebé rona imi rona Ha’u, no ema ne’ebé hakribi imi hakribi Ha’u; Maibé ema ne’ebé hakribi Ha’u, hakribi Ida ne’ebé haruka Ha’u mai.”