26ª Semana Tempu Komun: Festa Anjos da Guarda: Quinta-feira, loron 2, fulan Outubro, 2025, October 2, 2025
Reflection on the WORD
Maluk sira mak Kristu hadomi,
“Unidade Labaraik sira nian ho Jesus”– Fiar: Jesus ko’alia ba Nia discípulo sira, “Ema ne’ebé simu labarik ida hanesan ne’e tan Ha’u nia naran, nia simu mós Ha’u. Kuidadu atu keta hewai labarik kiik oan sira”. Reflete; Labarik sira nia pureza fuan no klamar nian, iha união ne’ebé profunda ho Jesus. Sira deseja atu hadomi Maromak no krexe iha santidade; ita – hanesan ema adultu – ita sai ba Maromak hodi hadomi ita nia oan sira.
Mt 18:1-5, 10
1Iha oras neba, eskolante sira hakbesik ba Jesus hodi husu ba Nia: “Se mak boot liu iha reinu lalehan?” 2Nia bolu labarik ida, tau nia iha sira klaran 3hodi dehan ba sira: “Tebes, Ha’u dehan ba imi: imi la hakribi imi nia sala no sai hanesan labarik sira karik, imi sei la tama iha reinu lalehan. 4Ne’e duni, ema ne’ebé haraik an hanesan labarik ne’e, nia mak boot liu iha reinu lalehan. 5Ema ne’ebé simu labarik ida hanesan ne’e tan Ha’u nia naran, nia simu Ha’u. 10“Keta hewai kiik oan sira ne’e ida, basa Ha’u dehan ba imi katak sira nia anju sira fihir nafatin Ha’u Aman lalehan nia futar oin.
Today's Pointers on God's Word
As you read the passage what words, phases or meanings caught your attention?
- Jesus dehan “ema ne’ebé haraik-an hanesan labarik ne’e, nia mak boot liu iha Reinu Lalehan”.
- Mundu Sekular kondisiona ita atu hanoin katak atu sai “bo’ot ka famozu” – ita tenki sai riku no poderozu. Sai ‘bo’ot no famozu’ hanesan ne’e sei lori ita sai foti-an, loko-an no ikus ita estraga ita nia-an rasik.
-
Ohin Jesus afirma fali valor sira evangelho nian hanesan: simplicidade, humildade, abertura no altruísmo. Wainhira ita husik ita nia-an maski momentu balun de’it hodi tulun ema seluk, ita bele nota mudansa iha ita nia atitude sira. Ida ne’e sei lori ita atu atinji ksolok lolos ba ita nia-an no mos ba ema seluk.