26ª Semana Tempu Komun: Santa Teresa do Menino de Jesus: Quarta-Feira, loron 01, fulan Outubro, 2025, October 1, 2025
Reflection on the WORD
Maluk sira mak Kristu hadomi,
“Bot liu iha Maromak nia Reino” – Fiar: Iha Evangelho ohin, Jesus dehan ba Nia Discípulo sira nune’e “Tebes, Ha’u dehan ba imi, Se imi la transforma imi-an no sai hanesan labarik sira karik, imi sei la tama iha reinu lalehan”. Reflete; Jesus konvida hela ita atu husi Espírito Santo guia ita nia moris. Labarik ida nia fuan nakonu ho Maromak nia ksolok wainhira nia experimenta domin lolos iha nia moris.
Mt 18:1-5
1Iha oras neba, eskolante sira hakbesik ba Jesus hodi husu ba Nia: “Se mak boot liu iha reinu lalehan?” 2Nia bolu labarik ida, tau nia iha sira klaran 3hodi dehan ba sira: “Tebes, Ha’u dehan ba imi: imi la hakribi imi nia sala no sai hanesan labarik sira karik, imi sei la tama iha reinu lalehan. 4Ne’e duni, ema ne’ebé haraik an hanesan labarik ne’e, nia mak boot liu iha reinu lalehan. 5Ema ne’ebé simu labarik ida hanesan ne’e tan Ha’u nia naran, nia simu Ha’u. 10“Keta hewai kiik oan sira ne’e ida, basa Ha’u dehan ba imi katak sira nia anju sira fihir nafatin Ha’u Aman lalehan nia futar oin.
Today's Pointers on God's Word
As you read the passage what words, phases or meanings caught your attention?
- Mai ita passa tempu it’oan hodi reflete kona-bá qualidade sira ne’ebé labarik sira iha, ne’ebé bele ajuda ita atu krexe iha ita nia relasaun pessoal ho Maromak. Qualidade saida de’it mak labarik sira iha?
- Ita bele nota iha labarik sira nia atitude de dependência ba Maromak. Hanoin no reflete kona-bá qualidade seluk ne’ebé Maromak dezeja atu ita mós bele iha qualidade sira ne’e.
-
Passa minutus balun hodi avalia ita nia atitude sira ne’ebé iha relasaun ho Maromak nia Reino. Atitude sira ne’ebé mak kontra Maromak nia Reino mak arrogância, orgulho, rigidez no seluk tan. Oinsa Maromak dezafia ita atu krexe iha Maromak nia vontade.