26a Semana Tempu Komun: Domingu, 28, fulan Setembru, 2025, September 28, 2025

Reflection on the WORD

Maluk sira mak Kristu Hadomi,

 

“Konsiénsia kona-bá Realidade” – Fiar: Jesus haklaken liu husi “Parábola kona-bá ema riku no Lázaro, ba Faraizeu sira.” Nia desafia sira atu tau matan ba ema kiak no ema ne’ebé presiza tulun ho domin. Se la’e, sira sei hasoru konsekuénsia sira Kastigu Rohan laek nian, iha infernu. Reflete; ita husu ba ita nia-an “se ita ajuda ema ne’ebé terus iha ita-nia sorin, ho laran-luak ka lae? Ema sira ne’e mak Maromak nia oan doben sira!

Lk 16: 19-21a,22-25

19“Ema riku ida hatais mesak mean furak ho kabas lahan lotuk. Loron loron nia halo festa boot. 20Ema kiak ida naran Lazaro tur hela iha nia odamatan. 21Kiak ne’e hakarak hili etu mumun housi riku nia meja okos 22Loron ida ema kiak ne’e mate, Maromak nia anju sira lori nia ba hamutuk ho Abraao. Ema riku ne’e mos mate, ema hakoi nia. 23Terus barak iha infernu, ema riku ne’e foti matan hodi hare housi dook Abraao ho Lazaro hamutuk ho nia. 24Iha oras ne’e nia hasa’e lia maka’as dehan: ‘Ha’u aman Abraao, sadia atan ha’u! Haruka netik Lazaro atu habokon nia limanfuan rohan iha be laran, hodi mai halo malirin ha’u nia nanal, basa ha’u terus la diak iha ahi ne’e!’ 25Abraao hatan: ‘Oan, hanoin ba katak o simu ona o nia diak iha o nia moris tomak; Lazaro fali simu mak susar de’it. Oras ne’e Lazaro hetan ksolok; o fali hetan terus boot.

Today's Pointers on God's Word

As you read the passage what words, phases or meanings caught your attention?

  • Ema riku ne’e hetan julgamentu husi Maromak la’os tanba nia riku-soin sira, maibé tanba nia la iha  sentimentu solidaridade ba ema terus no kiak sira ne’ebé besik no hadulas nia sorin. Liu-liu bainhira Lazaru horik iha ninia portaun oin.
  • Maske nia simu bensaun wain ho rikusoin sira ne’ebé nia iha, Maibé nia la iha sensibilidade ba ema seluk nia sofrimentu ne’ebé besik hela ho nia. Ita mós iha sala hanesan ne’e ka la’e la iha sensibilidade?
  • Ema kiak sira oferese oportunidade sira ba ita atu fahe ba malu ita nia bensaun sira no riku-soin sira ho sira, atu nu’uné ita bele hakman kanek no terus sira liu husi ita nia domin no tau matan ba sira.