DGEMs

Maluk sira mak Kristu Hadomi,

“Arrependimentu – Tristeza Kle’an” – Fiar: Iha Evangelho ohin nian, feto ne’ebé iha naran aat koñesidu tanba nia sala sira, mai hasoru Jesus: tanis ho laran moras, fo’o beijo no tau mina-morin ba Nia ain. Nia triste tebes ba nia sala sira. Medita kona-bá ne’e, “Hanesan sala-na’in, ita arrepende kle’an ba ita-nia sala sira, ka ita hare de’it hodi halimar ho ita-nia sala sira no halimar ho Maromak nia Laran-sadi’a iha Sakramentu Rekonsiliasaun nian?

36Fariseu ida konvida Jesus atu han hamutuk ho nia. Tama tiha iha nia uma, Nia tur iha meja. 37Tuir mai, feto aat ida housi sidade, wainhira nia hatene katak Jesus mai han iha fariseu nia uma, mai lori botil ida ho mina morin,  38hodi tur iha Jesus nia kotuk, nia hahu fase Nia ain ho nia mataben, hodi hamaran ho nia fuuk, rei no kose ho mina morin.  39Hare  tiha buat ne’e, fariseu nebe konvida Nia hateten ba nia an dehan: “Ema ne’e profeta ida karik, nia sei hatene feto se no sa los mak kona Nia ne’e, basa nia feto aat ida.” 44Hafoin Nia fila oin ba feto, hodi dehan ba Simao: “Ita hare feto ne’e? Ha’u tama iha ita nia uma, ita la fó be atu fase Ha’u nia ain; Maibé nia fali habokon Ha’u nia ain ho nia mataben hodi hamaran ho nia fuuk. 45Ita la rei Ha’u, Maibé hahu Ha’u tama mai, nia la para rei Ha’u nia ain. 46Ita la kose mina ba Ha’u nia ulun, Maibé nia kose Ha’u nia ain ho mina morin. 47Tan ne’e, Ha’u dehan ba ita: nia sala barak kasu tiha ona, basa nia hadomi makaas liu. Ema nebe hetan perdua ba sala uitoan de’it, nia mos hadomi uitoan de’it.” 48Tuir mai, Nia dehan ba feto: “O nia sala sira kasu tiha ona.”