24a Semana Tempu Komun: Kuarta-feira, 17, fulan Setembru, 2025, September 17, 2025
Reflection on the WORD
Maluk sira mak Kristu Hadomi,
“Laran-tós – Matan Delek” – Fiar: Iha Evangelho ohin, Jesus ko’alia ho triste no desesperado bo’ot ba ema barak ne’ebé laran-tós no matan delek ba grasa ksolok moris rohan la’ek nian. Reflete; “Obstinasaun ka laran-tós no matan delek ida-ne’e la’os buat ne’ebé estranhu iha mundu sekulár ohin loron nian ne’ebé intoxikadu ho materializmu, no hanoin diak ba-an de’it, auto-gratifikasaun.”
Lk 7:31-35
31Jesus dehan tan: “Ha’u sei tanesan ema sira otas ne’e nian ho se los? Sira hanesan se los? 32Sira hanesan labarik sira nebe tur hakilar ba malu iha basar dehan: ‘Ami hananu knananuk ksolok nian, Maibé imi la dansa; ami hananu knananuk tanis nian, Maibé imi la tanis.’ 33Basa Joao mai, la han paun, la hemu tua, no imi dehan: ‘Nia iha diabu iha nia laran.’ 34Oan Mane mai, han hemu, no imi dehan: ‘Ne’e ema kaanten no lanuten, publikanu no maksalak sira nia belun.’ 35Maibé matenek nia oan sira hatudu katak matenek mak los duni.”
Today's Pointers on God's Word
As you read the passage what words, phases or meanings caught your attention?
- Ita hala’o moris ne’ebé nakonu preokupasaun oi-oin no no nakonu ezizensia to’o ita la iha tempu barak atu reflete kle’an kona-bá sentidu husi moris ne’e, sá tan ita husik hela ba kotuk sentidu husi ita nia relasaun pessoal ho ita nia Maromak.
- Ita presiza fó tempu ho kualidade liu tan ba ita nia-an rasik loron-loron atu ita bele sente oinsa Maromak hakarak ita hala’o ita nia moris loron-loron, exemplu ita nia atitude no estilu moris nian sira ne’e.
-
Ho mós, se ita utiliza tempu barak liu tan hodi dezemvolve ita nia moris espiritual exemplu, le’e livro espiritual sira, nonton filme espiritual sira no seluk-seluk tan... ita sei deskobre ita nia moris ne’e sai buras no kle’an iha dame no ksolok iha ita nia laran.