23a Semana Tempu Komun; Sábadu, 13, fulan Setembru, 2025, September 13, 2025

Reflection on the WORD

Maluk sira mak Kristu Hadomi,

 

“Moris iha discenimentu moris nian”: Jesus dehan Nia discípulu sira, “Mai ba iha Ha’u no rona Ha’u-nia Liafuan sira, no halo tuir; nune’e imi sei harí uma ida iha fatuk nia leten.” Reflete; “Jesus konvida ita atu harí relasaun ida ho Nia ne’ebé kle’an no pesoál. Ida-ne’e sei tulun ita atu ultrapassa tentasaun no terus sira kona-bá ita-nia fiar no vokasaun. Harii moris orasaun ne’ebé iha sentidu no hadomi Eukaristia.”

 

Lk 6:47-49

47Ema nebe mai besik Ha’u no rona hodi halo tuir Ha’u nia liafuan, Ha’u sei hatudu ba imi ema ne’e hanesan sa los? 48Nia hanesan ema nebe harii uma ida: nia ke’e kle’an, hodi tau nia hun iha fatuk leten; wainhira mota sai boot, be baku hasouru uma ne’e, Maibé la bele sobu, basa harii tiha iha fatuk leten. 49Maibé ida nebe rona hodi la halo tuir, nia hanesan ema nebe harii tiha uma ida iha rai leten, hun metin la iha. Wainhira mota sai boot no be baku hasouru nia, uma ne’e monu kedas, sobu rahun aat liu.”

Today's Pointers on God's Word

As you read the passage what words, phases or meanings caught your attention?

  • Iha Evangelho loron ohin nian, Jesus fó hanoin ba ita atu hala’o iha ita nia moris ho fundasaun ne’ebé hatur-an metin iha Ninia hanorin no valores sira moris nian. Se ita halo tuir nu’uné, Jesus halo ita fiar katak ita sei hetan serteja hodi bele duni ultrapasa ita nia susar sira no disafius sira ne’ebé sei mosu mai iha ita nia dalan moris. 
  • Maromak haré ita nia motivasaun, intensaun, vontade, desizaun no buat diak sira hotu iha ita nia fuan. Ita bele bosok ema seluk ho ita nia liafuan no hahalok maibé Maromak ita la bele bosok.
  • Bainhira ita hala’o ita nia moris tuir lolos Maromak nia lian no lialos, Jesus mak sai ita nia fundasaun no we matan moris ba ita nia moris no kbi’it. Fundasaun ida ne’ebé mak ita harí ita nia moris ba?