22a Semana Tempu Komun: Sábadu, 06, fulan Setembru, 2025, September 6, 2025

Reflection on the WORD

Maluk sira mak Kristu Hadomi,

 

“Oan-Mane – Loron Sábadu” – Fiar: Iha Evangelho ohin nian, Jesus nia discípulu sira ku’u trigu ne’ebé kontra loron Sábadu nia Lei sira Moisés nian. wainhira sira kestiona, Jesus hateten katak sira la halo tuir Lei Moisés nian ho superficialidade no ho matan delek de’it. Reflete; “Rituál relijioza sira hotu mak espresaun kle’an husi ita-nia hakarak atu hahí, adora no serbí Maromak nia Glória Boot Liu.

Lk 6:1-5

1Iha loron Sábado ida, wainhira Jesus la’o housi to’os batar nian, nia eskolante sira hahu silu no dulas trigo iha sira nia liman hodi han. 2Fariseu sira dehan: “Tansa imi halo buat nebe bandu iha loron Sábado?” 3Jesus hatan ba sira: “Imi la le’e buat nebe David halo wainhira nia ho nia maluk sira hamlaha, 4katak nia tama iha Maromak nia Uma, hola paun sakrifisiu nian hodi han no fahe ba sira, paun nebe amlulik sira de’it mak bele han?” 5Nia dehan tan ba sira: “Oan Mane mak Sábado nia Na’i.”

Today's Pointers on God's Word

As you read the passage what words, phases or meanings caught your attention?

  • Maromak tau loron Sábado atu nu’uné ema bele oferese loron espesial ida iha Semana nia laran ba Maromak, hodi bele adora Na’i hamutuk nu’udar komunidade fiar nain sira nian. 
  • Loron ohin, Igreja tau ona loron domingu, loron festa nian sira no loron santu sira ba ita atu ita selebra hodi nu’uné ita bele utiliza tempu ho diak liu tan fó glória, adora, no agradese Maromak iha modo spesial sira ba grasa salvasaun nian ba ita liu hosi Nia Oan Doben.
  • Mai ita fó tan tempu ba iha orasaun no ba lalaok sira spiritual nian iha ita família iha loron domingo sira. Ita presiza hatudu ita nia gratidaun ba Maromak nia grasa sira ne’ebé Nia haraik ona ba ita nia leten no Espíritu Santu sai mata-dalan ba ita