22a Semana Tempu Komun: Sesta-feira, 05 fulan Setembru, 2025, September 5, 2025

Reflection on the WORD

Maluk sira mak Kristu Hadomi,

 

“Jesus nia Evangelho” – Fiar: Iha Evangelho ohin, Jesus proklama buat ne’ebé importante husi nia Evangelho Salvasaun nian iha Nia-An, nu’udar Messias. Profesia Testamento Tuan nian ba Testamento Foun; ne’ebé kumpri tiha ona. Reflete; “Kritéria fundamental ba moris santidade nian mak: hatene discerne no moris tuir roman no Lialos Evangelho Jesus, ita nia Maksoin nian”

Lk 5:33-38

33Sira dehan ba Nia: “Joao nia eskolante sira hadera an dala barak hodi hamulak. Fariseu sira nia eskolante sira halo mos nune’e. Maibé, O nian fali han hemu.” 34Jesus hatan ba sira: “Imi bele halo noivu nia bainaka sira hadera an wainhira noivu sei hela ho sira. 35Loron sei to’o mai, wainhira ema sei hasai noivu housi sira; foin mak sira sei hadera an iha loron sira neba.” 

36Nia haktuir tan aiknanoik ida ne’e ba sira: “Ema ida la tesi hatais foun ida atu taka hatais tuan nia kuak; halo nune’e karik, ida foun sei les ida tuan, hena nebe hasai housi ida foun la los ho hatais tuan. 37Ema ida la rai hela tua foun iha tua fatin kulit tuan; nia halo nune’e karik, tua foun sei halo fera tua fatin kulit tuan hodi halo tua nakfakar de’it, no tua fatin kulit sei sai aat. 38Maibé tua foun sei tau iha tua fatin kulit foun, no sira rua sei la lakon.

Today's Pointers on God's Word

As you read the passage what words, phases or meanings caught your attention?

  • Iha evangelho loron ohin nian, Jesus fó hatene ba ita katak atu sai ninia discípulu, ita sei hetan experiênsia ksolok ne’ebé kle’an iha koñesimentu, domin, no serbí ba Nia. Ita nia fiar iha Jesus sei hatudu dalan no lori ita ba salvasaun moris rohan laek nian. 
  • Maibé, wainhira Jesus ko’alia ba ita kona-bá ita nia nesecidade halo “jejum” nia hakarak fó hanoin mós ba ita katak entre liafuan diak salvasaun nian existe mós realidade husi dalan kruz nian ne’ebé mak ita tenki hit no lori la’otuir Jesus iha ita nia moris lor-loron nian.
  • Atu ida ne’e ksolok ida husi grasa ba moris rohan laek nian ida fali ka tristeza husi fali kruz ne’ebé ita tenki lori fali, Jesus iha ne’e sadik ita atu nakloke ba Ninia Lialos (nu’udar tua fuan) Nia sadik hela ita nia mentalidade hanoin no moris ne’ebé tuan no klo’ot (nu’udar kusi tuan)