22a Semana Tempu Komun: Segunda-feira, 01, fulan Setembru, 2025, September 1, 2025

Reflection on the WORD

Maluk sira mak Kristu Hadomi,

 

“Jesus-Messias” – Fiar: Iha Evangelho ohin, Jesus proklama iha Nazare, Nia sidade; katak liafuan Profeta Isaías nian, sai tuir loloos ona iha Nia. Reflete; “Proklamasaun Jesus nian dala barak desafia ita atu hakat sai husi ita-nia ‘zona de konfortu’. Haré didiak tok se ita loke-an hodi simu Maromak nia Lia-loos ka ita ta’uk katak Maromak bele desafia ita atu husik buat ne’ebé ita-nia rai metin, exemplu hanesan sasán sira, glória ba-an rasik nian?

Lk 4:16-22a

16Nia mai iha Nazare, iha nebe Nia sai boot. Tuir Nia lisan, Nia tama iha sinagoga iha loron Sábado. Nia hamriik atu le’e. 17Sira fó ba Nia livru profeta Isaias nian. Loke tiha livru ne’e, Nia hetan fatin ida nebe hakerek nune’e: 18 “Na’i nia Espiritu iha Ha’u, basa Nia foti tiha Ha’u atu haklaken liafoun diak ba kiak sira;19Nia haruka Ha’u atu haklaken maksoin ba dadur sira no halo matan delek sira hare; atu soi sira nebe ema hanehan hodi haklaken Na’i nia tinan rahun kmanek nian.” 20Hafoin, taka tiha livru, Jesus fó fali nia ba knaar nain. Nia tur tiha.

Today's Pointers on God's Word

As you read the passage what words, phases or meanings caught your attention?

  • Na’i nia Espíritu horik iha Ha’u Leten. ‘Jesus nia liafuan sira ne’e fó hanoin mai ita katak ita labele halo buat ida se la ho Maromak nia kbi’it.
  • Exemplo ida, ita bele haré iha Santa Teresa de Calcuta, nia ema santa tebes ida no fó-an tomak ba Maromak iha sakrifisiu serbí ba ema seluk tanba Nia tebes duni Maromak iha buat hotu ne’ebé nia halo.
  • Fiar iha Maromak. Husik Nia hatudu dalan ba ita, iha korajem no hewai-an rasik hodi serbí no hadomi ema seluk tanba Maromak hakarak ida ne’e husi ita.