DGEMs

Maluk sarani sira mak Kristu hadomi,

“Maromak nia prezente barak” – Fiar: Iha Evangelho ohin nian, Jesus haklaken “Parábola kona-bá talentu sira” ba Ninia eskolante sira. Reflete: “Ita hotu hetan konvite atu afirma bensaun barak ne’ebé Maromak haraik mai ita iha ita-nia moris. Ita labele foka liu ba ita-nia moras no provasaun sira, ne’ebé impede ita husi Maromak nia di’ak no glória ne’ebé boot liu. Sunu lilin ida no labele foka atu kondena nakukun”.

Aiknanoik osan talenta sira nian

14“Sei hanesan mos ema ida ne’ebé, molok atu ba la’o rai, bolu nia atan sira hodi husik nia rikusoi ba sira. 15Ba ida nia fo osan talenta lima, ba ida seluk nia fo rua, ba ida seluk tan nia fo ida; ba ida-ida tuir nia kbiit. Hafoin nia la’o tiha. 19Kleur tiha, atan sira ne’e nia na’in fila mai hodi husu sira kona ba nia osan. 20Ida ne’ebé simu talenta lima hakbesik hodi fo fali lima tan ba nia dehan: ‘Na’i, ita fo talenta lima mai ha’u, talenta lima tan ne’ebé ha’u manan mak ne’e.’ 22Tuir mai ida ne’ebé simu talenta rua hakbesik dehan: ‘Na’i, ita fo mai ha’u talenta rua; rua seluk ne’ebé ha’u manan mak ne’e.’ 23Na’i hatan ba nia: ‘Diak los, atan diak no laran los; tan o hatudu laran los iha buat ne’ebé kiik, ha’u sei fo ba o buat barak atu tau matan. Tama ba o na’i nia ksolok.’ 24Ikus liu ida ne’ebé simu talenta ida de’it mosu mai dehan: ‘Ha’u hatene ita boot ema maka’as ne’ebé ku’u iha ne’ebé ita la kuda, halibur iha ne’ebé ita la lekar. 25Tan ne’e ho tauk ha’u ba subar tiha ita nia osan iha rai; buat ne’ebé ita nian mak ne’e.’ 26Na’i hatan ba nia: ‘Atan aat no barukten! O hatene katak ha’u ku’u iha ne’ebé ha’u la kuda, ha’u halibur iha ne’ebé ha’u la lekar. 28Ne’e duni, imi hasa’e tiha talenta housi nia hodi fo ba ida ne’ebé iha sanulu. 29Basa ba ida ne’ebé iha ona sei fo tan hodi hetan barak liu; maibe ba ida ne’ebé la iha, uitoan ne’ebé nia iha sei hasai tan housi nia. 30Kona ba atan folin laek ne’e, imi soe tiha nia ba nakukun iha liur, iha neba nia sei tanis no ruun nehan.’”